SAM 60:3 - Cho Bible Common Language 2016

³ Nang naw na chang gui cu akni ah khüikha sak gui ci nei, keimi cu awktat ne kami ng’phiui ci nei.

SAM 60:3 Referans Kwoze

SAM 71:20

Geinvai nak la yaica nak cu ka khan ah na tüi law ci, cun ung phi nang naw ka thagui na m’küm khai, ng’cim hmun ung ka, na na thup khai.

ISAIAH 51:22

Bawipa nami khanpughi naw ning shungshet gui neta a pyen cu, “Kei naw ka m’lungshe nak ah khap ka ning pek gui cu ka la ba ci nei, Nangmi ning k’phiui gui ciah zu nami awk vai kä om ba ci nei.

ISAIAH 51:17

Jerusalem, ng’shüm law? Na mät naw namät m’tho ne, let law! Bawipa na a m’lungshe nak, na awk vai ah a ning pek ah m’kyuk nak ah khap cu na aw pyi ci nei; Nang naw na yuk awk te, a cun naw ning phiui ci nei!

JEREMIAH 25:15

Bawipa, Israel khanpughi naw na pyen nak ci, shin ung sapyit tuikhap, kei ah m’lungshe nak awn be ci. La ne, kei naw ka ning tüih law ah changpakhui avan am awk sak gui ä.

SAM 75:8

Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

THU PHLAAN 18:16

“Shin ah mang gaw ah hmawk ah cäi aih vai, thüi aih vai, kiak ci nei; Ani cu k’phla sui, ng’hlo sui, pää sui gui sui ne ghui, ng’mo la k’cünglung gui cu awi man ci nei.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

HABAKKUK 2:16

Nangmi cu m’taam khah nak vaisü ung thui ng’aa nak naw ning küm gui khai nei. Nami mät cu aw u ne, nami kyu shüi shüi khai nei. Bawipa naw nami mät ah khap awn m’kyuk nak ning tu gui khai, Nami ng’taamkhah nak cu ng’yochaw nak ah ng’lat khai nei.

DANIEL 9:12

Keimi la kami uktu gui ah khan ah na bi vai ah na pyen cu nang naw na bik ci. Nang naw khomdek khan ah mang gaw gui nicii ah da pi khai ah Jerusalem cu na m’kyuk ci.

NG’ÄI KYAH 4:21

Gaih vä, Edom la ung chang gui, Nami leigai phi gawk lawk cinei, nangmi cun phi nami k’plui ah lüng’a ne nami kyu shüi shüi khai nei.

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

SAM 80:4

M’gäi ciah Bawipa Khanpughi, Na chang gui ah taigü nak ah khan ah a i güt na m’lungshe khai ang?

SAM 80:8

Nang naw Egypt khaw ah ka sapyit shun cu law püi ne; pakhui hei gui k’täm gui neta, ami kho ung na geit ci.

SAM 85:5

Keimi ah khan ah angtäi sei na m’lungshe khai ma? Na m’lungshe nak kä gei phung khai ma?

SAM 89:39

Nang naw na changshäm awn na thumkhän cu gäi ne, ani ah lukhu cu m’vut ung na chak pek ci nei.