SAM 60:12 - Cho Bible Common Language 2016

¹² Khanpughi cu mikmi lam ah om sei, mikmi mi ng’näng khai, ani naw mi gaa gui cu m’di gui khai.

SAM 60:12 Referans Kwoze

SAM 44:5

Na mät ah huham awn kami gaa gui cu kami hnim ci.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

ISAIAH 63:3

Bawipa naw m’shang ci, “Kei naw chang pakhui gui cu sapyit neen ah mäih ah ka neen gui ci, a u naw law ne kä na bawn tuk ci. Kei naw m’lungshe ne neen gui ngä sei, ami si cu ka sui avan ung kawp ci.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

MALAKHI 4:3

Cun ah hnüüp ung kei ka hnün thawh law ung, changshe gui cu nami näng gui khai, ngami cu nami khopha kaa ah m’vut ah mäih ah kyak khai gui.

1 SHONTÄP NAK 19:13

Khüighat ne k’thamah vai! Mi chang gui la mi Khanpughi ah mang gaw gui ah phäh ah aktung ah mi ng’tuk khai nei. Bawipa naw angyak hlü ah kya sä” cik ci.

ZEKHARIAH 10:5

Judah chang gui cu lam ng’nai hmu ah ami ga gui leh dep dep ciah gakap gui ah mäih ah m’gäi khai gui nei. Ngami cu Bawipa naw om püi gui ci kyasei, ng’tuk bik khai gui, ngami naw ng’se ng’cuum ciah ga gui phi hnim khai gui nei.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

SAM 144:1

Ka ng’yii nak Bawipa, ka m’tam ci nei! Ani naw ng’tuk bi vai phi na m’thei ne ga tuk vai phi na pawng püi ci.

SAM 118:16

Ani ah huham naw näng nak ah na law püi gui ci Ng’tuk nak ung ani ah m’gäi ciah huham ah kyak ci.”

2 SAMUEL 10:12

Khüi ghat ne nami thamah vai! Mi chang gui la mi Khanpughi ah mang gaw gui ah phäh ah k’tha na ne mi ng’tuk khai nei. Bawipa naw ang yak hlü ah bi bik khai nei!” cine m’cäi gui ci.

JOSHUA 14:12

Cun kawn ah kei la ka chang naw ng’thu kani pyen law ba hnüüp ung, Bawipa naw shaitak ana pek ah kyasei, khawgui khaw cu na peä. Keimi naw kami ning m’thein ci, Anakim ciah chang dämcham pakhui gui cu, acu ah mang gaw däm gui vongpaang ne om ci gui nei. Bawipa naw kei cu na om püi khai nei. Bawipa naw a pyen ah mäih ah kei naw ka k’täm gui khai nei” cik ci.

SAM 44:10

Kami gaa gui dawng taak vai ah na ci gui ci sei, Ngami naw kami ka gui cu la yawp ci gui nei.