SAM 60:1 - Cho Bible Common Language 2016

¹ O Khanpughi, nang naw na hnu nah gui ne, na na hnim gui ci nei; Nang naw na na m’lung she na gui ci, — cun ung phi tuhbäi keimi täng ah na ng’hlat law ba ci.

SAM 60:1 Referans Kwoze

2 SAMUEL 8:3

Syrian khawpäng Zobah ghangpughang, Rehob ah hta Hadadezer cu Euphratis khaw a siip lam tu ne uk khai ah law khäta, David naw tu ne hnim ci.

SAM 44:9

Cun ung phi tuhbäi nang naw na ng’hlah ta gui ne, na na hnim sak gui ci nei; Nang naw kami ga kap gui phi kä na düih püi ba gui ci nei.

1 SHONTÄP NAK 18:3

Cun kawn ah David naw Hamath kho ah pei Zobah khopäng, Sirian ghangpughang Hadadezer cu tuk ci, a i ah kyasei ci ung Hadadezer naw Euphratis apäng kho cu khäm khai ah ak tha nak ah phäh ah kyak ci.

2 SAMUEL 5:20

Cun ah kyasei David cu Baala Perazim ah hteit ne Philistin gui cu hnim gui ci. Ani naw, “Bawipa naw ka ga gui cu tui ng’güt ah mäih ah m’di gui ci nei” cik ci. Cun ah kyasei cun ah hmun cu “Baala Perazim” ah ami sui ah kyak ci.

SAM 90:13

Kho a i khäta na m’lungshe nak cu ng’pyi khai ang? O Bawipa, na changshäm gui cu na m’gein gui ä!

SAM 85:4

O Khanpughi, kami hunbawi, na ng’hlah law püi ba gui ä! Kami khan ah kä na yei nak cu düm sak ä!

2 GHANGPUGHANG GUI 14:7

Amaziah naw Edomit gakap phia phia gha cu khongnawi ung ngawn gui ci; ani naw Sela mang gaw cu tu ne khäm neta Jektheela ah aming sui ci, cun ah ming cu tuhgüt om ci.

SAM 89:19

Caupui bekhüt ciah na chang gui am muimang ung nang naw na m’thein gui cu, “Ming thang ciah gakap cu kei naw m’theithang nak ka pek ci; ka chang gui ung ka, ka ghü tumat-am mangkiang cu ka pek ci.

SAM 89:3

Nang naw, “Ka ghü ah chang awn ng’thumkhän cu ka bik ci nei; Ka changshäm David ung shai ka tak ci nei,

SAM 80:3

O Khanpughi, na law püi ba gui ä! Na chimgein nak na m’dang gui ä, keimi naw hun nak kami hmuk khai nei.

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?

SAM 74:1

O Khanpughi, a i ah kiasei na na nawng gui ang? Na chang gui ah khan ah angtäi sei na m’lung she khai ma?

SAM 60:10

Keimi akcang ah na na hnu na gui khai ma? Keimi ah gakap gui awn atäng ah kä na ng’düi khai ma?

SAM 59:11

O Khanpughi kä ngawn-en gui ä, cun ung ka chang gui naw m’hnih khai gui nei. Na thagui awn ng’pyek ng’pai sak gui ne hnim gui ä, O Bawipa, kami ng’yii nak.

SAM 59:1

Ka Khanpughi, ka gaa gui ak kut ung na k’phiawn ä: Na tuk hlük ci gui ung ka na shung ä!

2 SHONTÄP NAK 25:11

Amaziah cu k’tha la ba neta, a gakap gui matawn ne, m’shikhaw ng’nawi ah hteit ci gui. A cu ah ngami Edomit gui cu tu ne 10,000 ngawn gui ne,

1 SHONTÄP NAK 28:9

Cun kawn ah Solomon a pyen nak cu, “Ka hta aw, kei naw ka ning bi sak cu, na pa ah Khanpughi cu yum ne, na m’lung naw ng’ya hlü ne kä ng’pai ciah m’lung ngaih awn abii na bi vai. Ani naw mikmi ah ngaih-tüh la ng’yak hlü avan hmat ci. Nang ani ah na hteh ung ani naw ning dou khai; cun ung phi nang naw nang hlah tak ung, ani naw khonglän ung ning nawng khai.

1 SAMUEL 13:11

Cun ung phi Samuel naw, “A i ang na bi pyi?” cine ng’shik ci. Saul naw, “Chang gui naw na hteh tak ci gui, nang na lawk khai ah na pyen nak ung kä na lawk ci: cun kawn ah Philistin gui cu Michmash ung ng’bum ci gui.

1 SAMUEL 4:17

Thu pyen lawk ciah chang naw, “Israel gui cu Philistin gui kyih ne dawng yawp ci gui; cun cu keimi ah phäh ah kyih aih vai kyak ci nei! Cun kawn ah na hta goi Hophni la Phinehas cu ngawn ci gui, Khanpughi ah Thukhän M’küm phi na gut gui ci gui!” cik ci.

SAM 108:11

Ak cang ah na na hnu ng’tuk püi gui khai ma? Kami gakap gui awn a täng ah kä na hteit khai ma?

SAM 79:9

O Khanpughi, na m’htei gui ä, na hun gui ä, na mät ning m’taam vai ah hmawk ah na gung gui ne kami katnak na m’gein gui ä.

2 SAMUEL 10:16

Euphratis tuinu ah a kiangtäng ah om ciah Sirian gui ah Ghangpughang Hadadezer naw chang tüi sei, ngami cu Helam ah law u ne, Zobah ah Ghangpughang Hadadezer ah gakap bawi Shobach ah ka ah om ci gui.

ZEKHARIAH 10:6

“Kei naw Judah chang gui cu, Ka khüi ghaat sak gui khai; Israel chang gui cu ka gung gui khai. Ngami cu ka k’dük gui khai, Ami van ami im ah ka law püi ba gui khai. Ngami cu kei naw kä ka hnungtuk püi man ah mäih ah kyak khai gui. Kei cu Bawipa ami Khanpughi ah ka kyak ci; Ami taigü cu ka m’shang gui khai.

SAM 89:38

Cun ung phi nang cu na ghü ah ghangpughang ah khan ah na m’lungshe ci, ani cu hnu nah ne na ng’tuk püi ci nei.

SAM 89:7

Theingcim ci gui ah kongsi ung nang cu kyih aa vai ah na kyak ci, ngami ami van ah ka ah ng’düi ci gui.

2 SAMUEL 8:14

Ani naw gakap phung gui Edom khaw avan ung m’düih sei, cun ung chang gui cu ani ah chang ah kya lawk ci gui. Bawipa naw David cu khaw nü ung näng nak pek ci.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,