SAM 6:4 - Cho Bible Common Language 2016

⁴ Law ne na hun ä, Bawipa; Na chimgein nak awn sih nak ungka nak phyawn ä.

SAM 6:4 Referans Kwoze

DANIEL 9:18

Na ngai gui ä, O Khanpughi, na teng gui ä, keimi ah kami khüikha nak la na ming m’küi ciah mang gaw ah yaica nak cu na hmuh pe gui ä. Keimi nang ah kami taigü ci, cun cu keimi naw a hman kami bi ah phäh ah kä kyak ci, nang naw na chimgein ah hmawk ah kyak ci nei.

SAM 17:13

Bawipa, kyum law ä! Ka gaa gui cu ng’tuk püi gui ne m’htin gui ä! Changshe gui ung ka, na chim ghaat awn na hun ä;

MALAKHI 3:7

Nangmi gui phi nami pupa gui ah mäih ah ka ng’thukhän cu ng’hlah ta u ne, kä nami k’pang ci. Kei ah ng’hlat law ba vä, nangmi ah ka ng’hlat lawk khai. Cun ung phi nangmi naw, “Nang ah ng’hlah law ba vai ah a i kami bik khai ang?” nami cik ci.

SAM 121:7

Bawipa naw kyihkyawk nak phung ung ning shung vong khai; ani naw k’pang ne ning k’piawn khai.

SAM 116:4

Cun kawn ah Bawipa ka khü cu, “Ka ng’hui ci nei, Bawipa, na hun ä!”

SAM 90:13

Kho a i khäta na m’lungshe nak cu ng’pyi khai ang? O Bawipa, na changshäm gui cu na m’gein gui ä!

SAM 80:14

M’gäi ciah Khanpughi! Keimi ah ng’hlat law ä! Khan ah om ne na yuk teng gui ä; Law ne na chang gui hun gui ä!

SAM 22:20

Kei cu chim ung nak phyawn ne; ka hnun gui cu ui gui ah kut ung nak phyawn ä.

EPHESIAN 1:6

Am hni pi ah A Htapa awn anam cümhnah gui ah, Khanpughi ah bämang ciah am gein nak cu mi m’kümto khai nei!

ISAIAH 38:17

Kei ah ka khaa nak shi, dimdeeih nak ah ng’hlat khai nei. Kyihkyawk nak avan ung na na m’geinsei ci nei.

SAM 120:2

Bawipa, hleeihlak nak la thuvi nak ungka, na hun ä.

SAM 116:8

Bawipa naw sih nak ungka na hun ci; ka ng’phli tui na ghuh pek ci, kyuk nak ungka na k’pang ci.

SAM 86:13

Kei ah phäh ah ng’täi ciah na nam hni nak cu a i hlawk ah dämduh ci ang? Nang naw ng’cim hmun mät ungka na na hun ci nei.

SAM 69:13

Cun ung phi Bawipa, kei läi cu nang ah ka taigü ci nei; Khanpughi, nak bäi nak ah khin ung kei cu nam shang ä. Küikyang ciah na na m’hni ah hmawk la na na hun vai ah na shaitaak ah kei cu na m’shang ä.

SAM 25:7

Ka nong yah ung ka cheishoh nak la ka kat kawng nak cu na m’gein ä. Ng’täi ciah na m’hni nak la nam’gein nak awn kei cu na shüm ä, Bawipa!

SAM 13:2

Kei cu a i güt gein vai ne ka om khai ang? A mü a hnüüp thüi nak naw kei ah m’lung cu a i güt be sak khai ang? A i güt kei cu ga gui naw na näng khai gui ang?

SAM 74:10

O Khanpughi, kami ga gui naw a i güt ning gaih m’gin khai gui ang? Ngami naw na ming cu päipih lä khai gui ma?

SAM 79:5

Bawipa, keimi ah khan ah na m’lungshe lä khai ma? Na m’lungshe nak naw mei ah mäih ah na ui gui lä khai ma?