SAM 6:10 - Cho Bible Common Language 2016

¹⁰ Kei ah ka ga gui cu lüng’aa ne, di nak gah khai gui nei; Ngami cu ng’hlat ba u ne, ang ghit ah thei ng’aa kahi gui nei.

SAM 6:10 Referans Kwoze

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

JEREMIAH 20:11

Cun ung phi nang Bawipa cu kei täng ah na om ci, na k’thamah ci, na m’gäi ci, kei na k’dukdeiu nak ci gui cu shum khai gui nei. Ngami cu kä näng hning phung u ne, angtäi sei thüisei khai gui. Ami thüisei nak cu kä m’hnih hlawt khai gui.

SAM 86:17

Bawipa, na ni nak cu saksi awn na m’dang ä; m’lung üp nak la m’hteihtang nak na na pek cu ami hmuh ah akyak ung, kei na thüi nak ci gui cu lü khai gui nei.

ISAIAH 26:11

Nang naw na m’kyuk gui vai cu na ga gui naw kä hmat ci gui nei. Bawipa, ngami cu lü ng’a sak gui ä, yaica sak gui ä; Nang naw na pawng püi ah m’kyuk nak awn ngami cu yaica sak gui ä. Na chang gui a i hlawk ah na m’hni gui cu m’dang gui ä.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

SAM 132:18

Ani ah ga gui cu thüi ng’aa nak awn ka küm khai, Ani ah uk nak kho cu ng’bühmang ne, bä m’cam khai.”

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

SAM 73:19

Ngami cu ang ghit ah di ci gui; ang khä ah ng’pyi ci gui nei.

SAM 71:24

Ak hnüüp pum ung, na düng nak cu ka pyen khai, a i ah kyasei ci ung, kei na hnim hlük ciah chang gui cu shum u ne, thui ng’a ci gui nei.

SAM 71:13

Kei na ng’tuk püi ciah chang gui cu shum ne di u sä. Kei tha na ne na däät ciah chang gui cu, lü ng’a ne thui hmai u sä.

SAM 35:26

Kei ah ka geinvai ah phäh ah yei gaih ci gui cu, didap ne gawgan u sä; Kei ah ni pi ciah pyen ne, ng’taam ci gui cu, lü ng’a ne, thüi sei u sä.

SAM 25:3

Nang ung ng’ap ci gui ah khan ah thui ng’a nak kä om en sä, Ning küknet püi ci gui cu thui ng’a u sä.

SAM 7:6

m’lungshe ne tho law, Bawipa! Ng’düi law ne, ka ga gui ah m’lung so nak cu hnu ng’tuk püi gui ä; Na mät tho law ne kei cu na m’htei ä! Taga nak cu nang ah m’düih ah kyak ci.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

SAM 5:10

O Khanpughi, m’kyuk ne m’kat gui ä; Ami mät ah ng’zihkuh nak naw ami mät chah gui ci nei. Ami katnak gui la ami ning hnu ng’tuk püi ah hmawk ah, Na ma ungka naw k’täm gui ä.

SAM 2:5

Ani naw m’lung she ne khän gui ne, m’gäi ne kyihkyawk sak gui ci.

JOB 6:29

Nangmi cu a shou nak ah nami gawk ci nei. Kä taga cicu m’düm vä. Kä na m’kat vä. Kei cu ka ng’düng ci nei.

2 GHANGPUGHANG GUI 20:5

Bawipa ah chang gui uk ciah Hezekiah ah va hteit ba ne, na pyen nak vai, “Kei, Bawipa, na pughi David ah Khanpughi naw na taigü cu ng’ya ne na ng’phli tui cu ka hmuk ci nei. Kei naw ka ning gai sak khai, a hnüüp thum ung nang cu Taigüim ah na hteit khai.

SAM 55:20

Ka teihpüi k’phyim naw a püi gui ng’tuk püi gui ne, a shaitak phi m’shet ci.