SAM 59:16 - Cho Bible Common Language 2016

¹⁶ Cun ung phi kei naw na thagui ah mawng ng’äi kam’cu khai; A ngawi tä sei nam hni nak ah mawng m’lau ne ka ng’äi khai. Nang cu ka ning shung nak, khüikha yah ung ka ning yii nak ah na kyak ci.

SAM 59:16 Referans Kwoze

SAM 21:13

Bawipa, ghaa ciah na thagui ah hmawk ah kami ning m’hlüngtai ci nei! Keimi naw ng’äi m’cu ne, na hlüngtai nak cu kami m’taam ci.

EPHESIAN 3:20

Mikmi ah m’lung kyong ung a hlüngtai nak awn bi bik ci naw, mik mi naw mi ngaih-tüh mi ng’yoih thäh ah tah, däm pi sei na pe gui hning ci nei;

ROMAN 15:9

Cun bäng ah kä kyak ciah Chang Pakhui hei gui naw phi amät ah chim’gein nak awn Khanpughi ami m’hlüngtai tu hlawt vai ah hmawk ah ani cu kyum lawk ciah kyak ci. Cacim Theing ung; “Cun ah kya sei kei naw chang khui hei gui ah ng’lung ah Khanpughi cu kam hlüngtai khai nei; Ng’äi awn ka m’hlüngtai khai nei,” ciah om ci.

SAM 30:5

A m’lung she nak cu a shäng hta ah kya ci, ani nak cu ghin ah chuih khäng ci. Mü ah ng’phli tui li ci, cun ung phi kho ngawi ah yeikyai nak gawk law ba ci.

SAM 143:8

Nang ung ka zumhtek vai ah hmawk ah kho ngawi tä sei, ng’täi ciah na m’hni nak cu na m’thein ä. Ka taigü nak cu nang ah gawk ci nei; ka hteh nak vai ah lam cu na m’hnuh ä.

SAM 138:7

Kei cu khüikhai nak naw ana ng’vong yah ung, nang naw na na k’phyawn ci. M’lungshe ciah ka ga gui cu nang naw hnu ng’tuk püi gui ne na huham awn na na hun ci.

2 KORIN 1:10

Cun hlawk ah kyih aih vai ah sih nak ung kaa, Bawipa naw na hun gui ci; na hun ba gui khai; cun kawn ah phi na hun ba gui mä khai ah yum ne mi ngaih u ci.

SAM 101:1

Ka ng’äi cu bekhüt nak la taga nak ah kyak ci, cun ah ng’äi cu ka ning m’cu ci nei, Bawipa.

HEBRU 5:7

Bawipa Jesuh cu khomdek khan ung a om yah ung, sih nak ung hun ciah Khanpughi ah ma ah ng’hui ne kyap ne taigü ci. Neim nak la ng’ap nak awn ak taigü cu Khanpughi naw phi ngaih pek ci.

SAM 145:11

Ngami naw na bämang nak ah na huham cu pyen u ne, Na m’gäi nak cu ngak khai gui nei.

SAM 36:5

Bawipa, na m’hni nak cu khankho ah khüt ne, Na bekhüt nak naw khomik pha ci nei.

SAM 31:7

Ng’täi ciah m’hni nak ah hmawk ah kei cu ka yeikyai khai nei. Kei ah ka yaica cu nang naw na hmuk ci, kei ah ka khüikha cu nang naw na hmat ci.

SAM 4:1

Ka taigü cu na m’shang ä, O Khanpughi, ka ng’shung nak! Khüikha nak ung ka gawk sangung na na m’htei ci. Tuhbäi kei cu na m’gein ne, ka taigü cu na ngaih pe ä.

JOB 37:23

Khanpughi ah huham cu dämduh aih sei Apei ah phi kä mi hteit hlawt ci nei. Ani cu chang gui ana om püi nak gui ung ng’düng ne taga ci nei.

JEREMIAH 30:7

Kyihkyawk nak ah hnüüp gawk lawk ci nei; A hei m’täng nak vai ah hnüüp kä om Khai nei. Cun cu kei awn Chang gui ah geinvai nak vai ah akhin ah kyak khai nei, Cun ung phi ngami cu ghing ne k’pawih khai gui.”

SAM 89:1

O Bawipa, ng’täi ciah nam hni nak cu angtäi sei ng’äi ah ka m’cu khai nei; Na bekhüt nak cu angtäi sei ka ng’shäu khai nei.

SAM 88:13

Bawipa, na nam htei vai ah ka ning khü ci, a khaw ngawi tä nang ah ka taigü ci nei.

SAM 77:2

Khüikha nak a gawk law yah ung Bawipa ah ka taigü ci; Khawmü pum kut shäng ne ka taigü ci, cun ung phi m’lung üp nak kä ka hmuk ci.

SAM 46:1

Khanpughi cu mi ng’zi nak la mi thagui ah kyak ci. Mi geinvai law ung na m’htei gui ge khai ah om ci.

1 SAMUEL 17:37

Bawipa naw kawng la khawm ah kut ung ka na hun ci; ani naw shin ah Philistin ung ka na hun khai.” Saul naw, “Bä khai, hteit ä, Bawipa naw ning om püi khai” cik ci.

SAM 5:3

Kho ngawi hta ung ka k’aw cu na na ng’yak pek ci; Kho hni pyü ung taigü ne ng’ap ne, Na na m’shan cu ka ging ci nei.

SAM 106:8

Cun ung phi a shaitak ah mäih ah hun gui ci, dämduh ciah a huham am dang nak ah kyak ci.

SAM 86:13

Kei ah phäh ah ng’täi ciah na nam hni nak cu a i hlawk ah dämduh ci ang? Nang naw ng’cim hmun mät ungka na na hun ci nei.

2 SAMUEL 22:3

Ka Khanpughi cu ka ng’shung nak, Ani ung om ne, kei ka phyawng ci. Ani naw shawi ah mäih ah na shung vong ci; Ani naw na cham ne pang ne na hun ci, Ani cu ka hunbawi nei; Ani naw hung sai ung na shung vong ne, nak phyawn ci.

PHYAWN NAK 15:6

Bawipa, na k’pat kut cu huham mah ci, acun naw ga gui cu hnget ne bät sak gui ci.

JOB 15:23

Langta gui naw ani ah sa ei khai gui ah ngäng ci gui, ani cu hmüp ung gawk ciah amät naw hmat ci.