SAM 59:12 - Cho Bible Common Language 2016

¹² Ami m’gawng ung katnak om ci, ami thu avan cheishoh ci, ami chang om nak naw pha gui sä, a i ah kyasei ci ung ngami cu ng’plah täng hleei hlak ci gui.

SAM 59:12 Referans Kwoze

NG'THU K'THUUK~ 12:13

Chang shekha cu amät ah ng’thu naw mät pha ba ci. Cun ung phi düng ciah chang cu khüikha nak phyawn nak ci.

NG'THU K'THUUK~ 18:7

Chang gu ang cu ang thu tu ung amat ah di nak vai ah ng’thu ci, Ani cu amat ah ng’thu ah cuun naw pha ba ci.

SAM 10:7

Ang’thu cu ng’plah tang, hleeihlak, shedam nak awn be ci. Ani cu ng’thushe, shai kaa ah thu ghet ci.

HOSEA 4:2

Ngami naw shaitak u ne, acun gui cu m’shet yawp ci gui, Ngami cu hleei ci gui, chang ngawn ci gui, m’guk ci gui, pletbeng ci gui, shetkat nak cu da law pi ne, chang ngawn law pi pi ci gui.

SAM 10:2

Changshe gui cu m’ghä ce u ne, dukhaih cicu dukdeiu nak ci gui; ami cun ung pha gui ci gui.

LUKA 23:5

Cun ung phi ngami naw, “shin ah chang cu Kalile kho ung tün ne Judea kho, shin ung gawk lawk khai ah chang gui m’hleei gui ne thüngphyong sak gui ci nei” cine m’lau law pi ne pyein ci gui.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MATTHE 27:25

Chang gui naw, “Shin ah chang asih nak cu, keimi la keimi ah hta nau gui naw kamik chaw nak khai nei,” cik ci gui.

ZEPHANIAH 3:11

Cun sangung nang ka chang gui cu kei nami na hnungtuk püi ah phäh ah kä nami ng’aa ba khai. Chang ah ng’shei ne m’ghämce ci phung cu ka k’täm khai. Nangmi naw Ka m’htung theing ung kä nami na hnungtuk ba püi khai.

NG'THU K'THUUK~ 11:6

Düng nak naw changnicu gung ci, cun ung phi ngaih gep vai ah kä kyak ciah chang cu amät ah m’hling ung awk ba ciah kyak ci.

NG'THU K'THUUK~ 6:2

Cun ung nang cu na mät ah ng’thu naw a ning pha, na mät ah shaitak ung na awk ciah kyak ci.

SAM 79:12

Bawipa, changpakhui gui naw nang ung ng’lih khai ah ami ning shedam nak cu ak chih vei ah thung ba gui ä.

JOB 12:24

Ani naw ami ng’vaihta gui cu gu ang sak gui ne, Püipiang sak gui ne ng’go ng’gan sak gui ne maih sak gui ci;

NG’ÄI KYAH 3:62

A hnüüp pum ung kei ah mawng pyen u ne, ami bi ah cu pawng püi ci gui nei.

EZEKIEL 12:16

Ngami ung ka api cu ng’tuk nak, ei cawi nak la gaw pyan nak ungka ka k’phiawn gui khai, cun ung ngami cu chang pakhui gui ah ng’lung ah ngami ah hnün thawh cu a i hlawk ah shemshai ci, cicu hmat u ne, kei Bawipa ah ka kyak cu ng’kiaa khai gui.”