SAM 59:11 - Cho Bible Common Language 2016

¹¹ O Khanpughi kä ngawn-en gui ä, cun ung ka chang gui naw m’hnih khai gui nei. Na thagui awn ng’pyek ng’pai sak gui ne hnim gui ä, O Bawipa, kami ng’yii nak.

SAM 59:11 Referans Kwoze

SAM 3:3

Cun ung phi nang Bawipa cu, Kyih phyawn nak ah ka shawi ah na kyak ci; Nang naw näng nak na na pek ci, Ka tha gui phi na na be sak ci.

THU PHLAAN 9:6

Cun ah chaa hma ah kyong ung chang gui naw sih nak vai shui khai gui, cun ung phi kä hmuk khai gui, ngami cu si hlük khai gui, cun ung phi sih nak naw lek gui khai.

LUKA 21:21

Cun yah ung Judea kho ung om ci gui khomhtung lam ah dawng u sä, pigaw kyong ah om ci gui, pigaw k’pung ah hteit u sä, pigaw pei ah om ci gui pigaw kyong ah kä hteit-en u sä.

SAM 52:5

Cun ah kyasei nang cu Khanpughi naw ning m’shet lä khai; Nang cu ning pang ne na im ung ka ning täm ne, A hnun ghing ah om nak ah kho ung ka ning k’plon khai.

JOB 40:12

Ngami cu teng gui ne tuk cha gui ä. Chang shekha gui cu ami om nak ung shudeng gui ä.

THULÄÄN NAK 28:64

“Bawipa naw nangmi cu pakhui avan ah ng’lung ah nik püi gui khai. Khomdek vang cawi ah ka naw vang k’cawi ah nami khüt khai. Acu ah nangmi naw sing ni, lung ni awn pyan ah khanpughi gui ah bii nami bik khai, cun gui cu nangmi la nami pupa gui naw kä ami khawihnah man ah kyak ci.

THULÄÄN NAK 4:27

Bawipa naw nangmi cu changpakhui hei gui ah ng’lung ah ning püi sak gui khai. Acu ah nangmi api nami pawih ba khai.

SAM 106:27

ami hta ng’shon gui cu chang khuihei gui ah ng’lung ah püüi sak gui khai, a khaw hei ah sih sak gui khai.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

SAM 84:9

O Khanpughi, na ghü ah ghangpughang, kami ghangpughang cu hriham pe ä.

SAM 44:11

Nang naw ami na kyih gui vai ah htome ah mäih ah na ap gui ne, a kho hei yung ah na na püi pawng sak gui ci,

THULÄÄN NAK 4:9

Geing na ne nami om vai. Nami mik awn nami hmuh cu nami ghin nak chuih kä nami hnih vai ah htei khai ah nami bi vai. Nami hta gui la nami tu gui am nami m’thein gui vai.

TAIGÜTHUM 26:33

Kei naw nami khan ah ng’tuk nak law püi ne, a khawhei yung ah ka ning püi sak gui khai. Nami khonglei cu ng’gau khai, nami mang gaw gui cu dishum khai.

THUSHÄUTU 9:5

Ä, ghing ci gui naw ami sih law vai cu hmat ci gui, cun ung phi sik ci naw a i kä hmat ci. Ngami ung m’cümhnah nak kä om ba ci; ngami cu akshe m’hnih gui ah kyak ci.

1 SAMUEL 24:5

Cun ung phi David ah am lung ung khüikha nak gawk lawk ci,

SAM 118:7

Bawipa naw kei cu na m’htei ci, ka ga gui ami di cu kei naw ka hmuk khai.