SAM 57:6 - Cho Bible Common Language 2016

⁶ Ka gaa gui naw ami na pha nak vai ng’vai cung ci gui; kei naw thüi lü nak awn ka phlän ci. Ngami naw ka lam ung m’vam co ci gui, cun ung phi ami mät kya ba ci gui.

SAM 57:6 Referans Kwoze

SAM 145:14

Khüikha ciah chang gui cu m’htei gui ci; zu ng’kyak ci gui cu zu chang ba gui ci.

MIKHAH 7:2

Khaw ung changnigui maih yawp ci gui, Khanpughi ung ng’düng ci a u kä om ci. Khaw päng ung chang ngawn vai däät ci gui, chang päng naw ami chang paw ga nak ci gui.

NG'THU K'THUUK~ 28:10

Changnicu akshe bi vai ah nak k’tük ah a kyak ung nang cu na mät ah thaai ung na kyak khai. Changnicu ak bä ah m’cümhnah nak gah khai.

SAM 140:5

Chang m’thüi gui naw kei am m’hling na ban ci gui; Ngami naw cuun cuung u ne, lam ah ng’län ung ami na pha nak vai m’hling bang ci gui.

NG'THU K'THUUK~ 29:5

Nang naw kä akni ah na teihpüi na m’tamkhah ung namät ah phä h ah cuun na cuun ah kyak ci.

SAM 142:3

Kei cu m’lung k’si ge vai ne ka kyak ung, kei naw a i ka bi vai cu ani naw hmat ci. Ka hteh nak vai ah lam ung ka ga gui naw ng’thup ne na k’dum ci gui.

SAM 143:4

Cun ah kyasei kei cu ka m’lungsi ge ci; kei cu ka m’lung thüi aih ci.

SAM 42:6

Om k’tu ah om ung ka m’lung so aih sei, ani täng ah ka m’lung ka m’hlat ci nei. Ani naw a yä nak ah tui ng’hnawk cu kei ah khan ah chah lawk ci; tuigai kuipak naw tui k’law ah mäih ah na lin ne, Tui soi tui ng’hmum cu Hermon la Mizara m’htung ungka Jordan tui ung a gawk law ah mäih ah kyak ci nei.

KHEI NAK 14:21

Cun ung phi kei naw ka shaitak cu, kei cu akcang ah ka ghin ah mäih ah kei ah ka ghin om nak naw khomdek cu be sak khai.

1 SHONTÄP NAK 29:10

Acu ah changhli ah ma ah David ghangpughang naw Bawipa m’hlüngtai ci. Ani naw, “Bawipa, kami pupa Jakob ah Khanpughi, nang ah khan ah khonglä ung m’htüngtai nak om sä!

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

SAM 8:2

Cun cu hmawhta la nausen naw a m’cu ah kyak ci. Nang cu ga avan ah kut ung ka ning hun ne, ning phyawn ci nei, Ning tuk püi ci phung nang bäng naw düm ah na om sak hning ci.

SAM 108:6

Na m’gäi nak awn na hun gui ä; ka taigü na m’shang gui ä. Cun ung na m’hni ah chang gui cu phyawng khai gui nei.