SAM 57:1 - Cho Bible Common Language 2016

¹ Kei cu na m’gein ä, Khanpughi, na m’gein ä, phyawn nak gah vai ah ka lawk ci nei. Pui khokhi kä a ng’düm pha ah chuih na ng’phya hnim ka ah ka ng’yii ci nei.

SAM 57:1 Referans Kwoze

SAM 91:4

Ani naw ang phiaa awn ning küm gui sei, ani ah m’htei nak ung, nangmi cu nami phyawng khai; Ani ah bekhüt nak naw ning shung ne ning vong gui khai.

SAM 36:7

O Khanpughi, nam hni nak cu küikyang aih ci nei! Chang ah hta naw na ng’phia hnim cu yii ci gui nei.

SAM 61:4

Ka ghin ah chuih na phung ung na om sak ä, na ng’phia ka ah phyawng ne na ng’yii sak ä.

SAM 63:7

a i ah kyasei ci ung nang naw angtäi sei, na na m’htei ci. Na ng’phia hnim ka ah yei ne, ng’äi ka m’cu ci.

SAM 9:10

Bawipa, ning hmat ci gui cu, ng’ap lawk khai gui nei; Nang ah lawk ci a u phi nang naw kä na ma nak ci nei.

SAM 91:1

Phyawn vai ah Bawipa ah hteit ci phung, Am’gäi ah shung vong nak ung om ci phung naw, ama ah

THU PHLAAN 21:4

Ani naw ami ng’phli tui avan cu ghu pe gui khai nei. Cun kawn ah sihnak, thüisei nak, kyah nak, m’neh m’awh nak kä om ba khai nei. Akphyim gui avan cu maih yawp pyi ci nei” cine pyein ci.

RUT 2:12

Na bi lawh ah phäh ah na Bawipa naw ning m’cümhnah sä. Israel Bawipa Khanpughi naw be ciah m’cümhnah ning pe sä, ani ung ng’yii vai ah nang cu na lawk ci nei” cik ci.

ISAIAH 26:20

Ka chang gui aw, nami im kyong ah lut ba vä, nami shoh khai vä. Khanpughi ah m’lungshe nak ang pyi güt akhäng hta nami ng’thuh cang vai nei.

SAM 56:1

O Khanpughi, kei cu na m’gein ä, kei cu na tuk ci gui nei, ka gaa gui naw angtäi sei na dukdeiu nak ci gui nei.

SAM 91:9

Nang naw na ng’shung nak cu Bawipa ah kyak ci. A hlüngtai säih cu na ng’yii nak ah kyak ci,

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

SAM 142:1

A na m’htei vai ah Bawipa cu ka khü ci nei; Ani ka ng’pa nak ci nei.

JOHAN 16:20

Kei naw akcang ka pyein cu, “Nangmi nami thüi kyap khai, khomdek chang gui yeikyai khai gui. Nangmi nami thüi sei khai cun ung phi nami thüisei nak cu yeikyai nak ah ng’lat yawp khai.

MATTHE 24:22

Khanpughi naw cun ah khin cu kä a tawi sak ah a kyak ung a u phi ghing ne kä om ba hlawt khai. Cun ung phi Khanpughi naw a ghü ah chang gui ah hmawk ah cun ah a khin mü hnüüp cu tawi sak khai nei.

SAM 125:1

Bawipa ung zumhtek ciah chang gui cu kä thüng ne, kä ng’nawn ng’heng ciah Zion m’htüngtai ah mäih ah kyak ci gui.

SAM 59:1

Ka Khanpughi, ka gaa gui ak kut ung na k’phiawn ä: Na tuk hlük ci gui ung ka na shung ä!

SAM 58:1

Nangmi uk tu gui, taga ciah k’bäi nak nami bi ne ang? Chang avan taga khai ah nami m’khoi m’cha ne ang?

ISAIAH 10:25

Nangmi ka ning m’kyuk nak gui ang pyi hta vai am, kei naw ngami cu ka m’di gui khai.

1 SAMUEL 24:3

Ani cu lam ah ng’leng hto im gui ah pei ah khui ung hteit ne ng’now phyam ci. A cun ah khui ah vangtäng ung David la a chang gui cu ng’thup ci gui.

1 SAMUEL 22:1

David cu mang gaw kath ung ka hteit ne, Adullam gawnupei ah khui ung gawk ci. A phäi nau gui la k’pawih shüt ciah akyong chang gui naw ani cei ah a om cu ng’ya u neta, hmu teng lawk ci gui.

LUKA 13:34

“Aw Jerusalem, Jerusalem, Profet gui na ngawn ci, Khanpughi ah ng’shä chang gui lung awn na vawi ci, ai nu naw ai hta gui ak boop gui ah mäih ah kei naw nang ah hta gui ka k’bum nak hlü gui cu da lawk ci, cun ung phi nang naw, kä na ng’ya hlük ci.

1 SAMUEL 24:8

David naw a hnu ah läk law neta ani cu khü ci, “Bawi mang aw!” Saul cu ng’hlat law khäta, David naw m’dek ung m’khukdong ne, chang m’sui neta,

THULÄÄN NAK 9:26

Cun kawn ah kei ka taigü ci, uk ciah Bawipa, na mät ah chang gui cu kä m’di gui ä, ngami cu dämduh ciah na thagui la na huham awn gung gui ne, Egypt khaw ah ka na law püi ba gui ah kyak ci nei.

1 SAMUEL 24:4

Ngami naw ani am, “Shin cu nang ah phäh ah kyak ci! Na ga cu na huham kyang ah tha khai ah Bawipa naw ning m’thein pyi ci, cun ah kyasei nang naw ani ah khan ah na bi hlü na bi hning ci.” David cu ng’vak ne hteit neta, Saul naw kä a hmat ah a suinu cu at ne hteh püi ci.

1 SAMUEL 26:9

Cun ung phi David naw, “Nang naw ani kä na hnim vai! A ghü ah ghangpughang hnim cicu Khanpughi naw akcang ah m’kyuk ci.

SAM 75:1

Ka mi ning m’taam ci nei, Khanpughi, ka mi ning m’taam ci nei! Na bäimang nak cu ng’shäu u ne, cäi aih vai na bi gui cu kami pyen ci nei.