SAM 55:5 - Cho Bible Common Language 2016

⁵ Kei cu kyi aih ne, nak phawng sei ka ng’thüng ci; kyih nak ung ka gein vai ci.

SAM 55:5 Referans Kwoze

SAM 119:120

Nang ah hmawk ah kei ka kyik ci, na m’khoi m’cha nak ah hmawk ah kyih nak awn ka be ci.

JOB 21:6

Kei ah khan ah gawk lawk ci gui cu ngaih-tüh neta, cäi ne catne ka ng’hlet ci nei.

LUKA 22:44

Bawipa Jesuh cu ang htei ah yaica ne aktung ah taigü ci; am hutui gui cu si ah mäih ah lut law ne m’dek ung kya lawk ci gui.

EZEKIEL 7:18

Ngami cu suishe sui u ne ami van ng’hhlet khai gui. Ami lu cu k’teim pe gui khai gui, ngami cu lüngaa khai gui.

ISAIAH 21:4

Kei ah kalu cu nak phiui ci nei, kei cu kyi ne ka ng’hlet ci nei. Kei naw khaw mühun cu ka gingeo ci nei, cun ung phi cun naw a i kä law püi ci, kyih nak bang ah kya ci.

SAM 61:2

Ngaih u maih ne, im sho sei, ka ning khü ci nei. Phyawn nak ah lung ung na hteh püi ä.

SAM 42:6

Om k’tu ah om ung ka m’lung so aih sei, ani täng ah ka m’lung ka m’hlat ci nei. Ani naw a yä nak ah tui ng’hnawk cu kei ah khan ah chah lawk ci; tuigai kuipak naw tui k’law ah mäih ah na lin ne, Tui soi tui ng’hmum cu Hermon la Mizara m’htung ungka Jordan tui ung a gawk law ah mäih ah kyak ci nei.

JOB 6:4

M’gäi ciah Khanpughi naw am’la gui awn na kap ci, Ngami ah ami m’äm cu kei ah pumsa avan ung gawk ci nei. Khanpughi naw kei ana kyih vai hnungtuk nak cu m’hnüt k’bäi ci nei.

2 SAMUEL 15:14

Cun ah kyasei David naw Jerusalem ung om ciah a bawi gui avan am, “Mikmi cu Absalom ah kut ung mi phyawn hlü ung ang ghit ah mi dawng khai nei! Yaang vä! Kä cun ung ani ang ghit ah gawk law ne, na hnim gui ne, mang gaw ung chang nü ngawn khai nei!” cik ci.

SAM 18:6

Ka cümbawng yah ung Bawipa cu ka khü ci nei; na m’htei khai ah Khanpughi cu ka k’thäh ci nei. A pum im kyong ah om ne ka k’aw cu ng’yak ci; ka kyah cu ngai ne, na m’htei ci nei.