SAM 55:10 - Cho Bible Common Language 2016

¹⁰ Amü ak hnüüp mang gaw veing ne, ng’hleh shüi ci gui, shetkat nak la khüi nak cu be ci nei.

SAM 55:10 Referans Kwoze

EZEKIEL 9:4

“Jerusalem mang gaw avan ung hteit ne, mang gaw kyong ah shemshai nak ami bi gui avan ah phäh yaica khüi kha ciah chang phung cu a m’calai ung na m’hnüt vai nei.

LAMKTU 9:24

Cun ung phi ngami ah ng’ge cu Soul naw hmat ci. Ngami cu Soul ngawn vai ah amü, ak hnüüp pigaw m’kawt päng ung ng’mah ci gui.

JOHAN 18:28

A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

JOHAN 18:3

Cun ah kyasei hnukuk Judas naw, Roman gakap gui la, taigüpa gui la Pharisee gui ngäng gui ciah chang gui cu thäm ne law püi gui ci. Ngami cu mei im ni mei k’däi ni, sehnet gui ni kawt ci gui.

HOSEA 7:6

Ä, ngami naw uih sak ci gui. Meibum ung mei ah mäih ah ami m’lung so awn amü pum ung ngami ah m’lungshe nak cu ngän ngän ah ui ci. Khongawi hta ung cun cu ui ne däi lawk ci.

SAM 59:6

Ngami cu mü lam ah law ba ne, ui ah mäih ah m’o ne mang gaw cu veing ci gui nei.

1 SAMUEL 19:11

A cu mü David cu a im ung mah ne, akhaw ngawi ung ngawn khai gui ah chang gui tüi gui ci. David akchu Michala naw am cäi cu, “Tuhmü kä na dawng ah a kyak ung ngawi ung na sik khai.”

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

SAM 58:3

Changshe gui cu ami ghin ah chuih hma kat ci gui; ami ng’tüi law ge ung ami hleei pyen ci gui.

HABAKKUK 1:3

A i ah kyasei shin ah yaica nak na na hmuh sak ang? A i cha ah shin ah mäih cheishoh nak ung na teng düt ne na om ang? Dishum nak, kyawi m’sa nak gui naw na kyung ci nei. Kho päng ung ng’tuk nak la ng’vok nak bäng ah kyak ci nei.