SAM 53:6 - Cho Bible Common Language 2016

⁶ Israel gui ah näng nak cu Zion khaw ungka gawk lawk khai nei. Khanpughi naw a bä mang ba sak gui ung, Israel chang gui cu a i hlawk ah yeikyai khai gui aw!

SAM 53:6 Referans Kwoze

SAM 14:7

Näng nak cu Zion m’htung ungka Israel gui ung gawk law khai, ciah ka taigü ci. Bawipa naw ang bühmang law ba sak gui ung, Israel chang gui cu ang htei ah yeikyai khai gui nei.

JEREMIAH 30:18

Bawipa naw pyen ci, “kei naw ka chang gui cu ami khaw ung ka ka m’tho ba gui khai, kyong khui päng ah khan ah Chimgein nak om khai; Jerusalem cu cawh ba vai, amang im cu m’thawh ba vai.

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

ISAIAH 14:32

Philistia ah ung ka mikmi ah law ba ciah ng’shä chang gui cu a i hawkcha ah mi shang gui khai aw! Mik mi naw mi m’thein gui vai cu, Bawipa naw Zion cu m’düih pyi ci nei, ani ah yaica ciah achang gui cu a cu ah phyawng gai u sei hmuh gui vai.

SAM 85:1

Bawipa, na ng’lei khaw cu nak chimgein ci nei; Israel chang gui cu na bämang ba sak gui ci nei.

NEHEMIAH 12:43

Cun ah hnüüp ung khawihnah nak akda douthak u ne, chang gui cu akbe ah yei ci gui, a i ah kyasei ci ung ngami cu Khanpughi naw ang htei ah a yei sak gui ah kyak ci. Hnumi gui la a hmaw gui cu cun ah pawi ung yeikyai ci gui, ngami ami van ah m’lau cu a shou nak ah ka naw ng’yak vai kyak ci.

AMOS 9:14

Kei naw ka chang gui cu ami khaw ah ka law püi ba gui khai. Ngami naw di ciah ami mang gaw gui co ba u ne, om ba khai gui. Ngami naw sapyit gui geit u ne, sapyit tui awk khai gui; Ngami naw dum bi u ne a cun ung ami geit ei khai gui.

JOEL 3:1

Bawipa naw pyen ci, “A cun ah khin ung kei naw Judah la Jerusalem ah bühmang nak cu ka m’tho ba khai.

JEREMIAH 31:23

M’gäi ciah Bawipa, Israel khanpughi naw pyen ci, “kei naw chang gui cu ami khaw ung ka m’thawh ba gui ung, Judah khaw la gaw nu gui ung ngami naw pyen bam ä khai gui, ‘Theingthap ciah khomhtung Jerusalem, Theingcim ciah hmun a om nak cu Bawipa naw hriham pe sä!’

SAM 50:2

Khanpughi cu Zion ah khan ah yuk shü ci, cun ah mang gaw cu kyom ne kümbe ci.

JOB 42:10

Joba naw a teihpüi gui thumah phäh ah a k’taigü kawn ah Bawipa naw ani cu ng’bühmang ba sak ci, ayanka ah mä a goi ah däm khai ah pe ba ci.

EZRA 3:11

Ngami naw Bawipa m’hlüngtai nak ng’äi m’cu u ne, leng ba ba ne m’cu ci gui. Bawipa cu nik ci, ani naw Israel gui am hni nak cu khongtäi ci nei. Chang päng naw aktha avan la ne Bawipa cu m’hlüngtai ne m’lau ci gui. A i ah kyasei ci ung Taigüim ang nei cu tün ne m’düih ne bi pyi ah kyak ci.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

TAIGÜTHUM 26:36

“Kei naw omktu khaw ah nami om tuk ci gui cu ang htei ah ka ning kyihkyawk sak gui khai. Khaw khi sei sing hnah a hnün hngaw ung nami dawng khai, nami pei ah ga kä om sei phi nami ng’täng khai.

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.