SAM 53:3 - Cho Bible Common Language 2016

³ Cun ung phi chang avan cu ng’hlat yawp ci gui; ami van cheishoh yawp ci gui. Ng’düng nak bik ci a u kä om ci, tumat phi kä om ci.

SAM 53:3 Referans Kwoze

ROMAN 3:12

Chang avan cu lam hma yawp ci gui nei, Chang avan cu a täng ah shekat yawp ci gui nei; Chang k’ni tumat phi kä om ci, tumat hta phi kä om ci nei.

ISAIAH 64:6

Keimi kami van cu kami hmakak ci nei, keimi ah akni pi ah kami hnünthawh cu lelawi pikbäih ci nei. Keimi kami kat ah hmawk cing hnah chawng, khokhi ah zon awn kami täng ci nei.

SAM 14:3

Chang gui cu lam hma yawp ci gui; Ami van shekha yawp ci gui, Akni ah bik ciah chang tumat phi kä om ba ci, tumat phi kä om ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

3 JOHAN 1:11

Ka püi gui aw, akshe cu kä nami thei tu vai, akni cu nami thei tu vai nei. Akni bilo ciah chang ung Khanpughi om ci, akshe bilo ciah chang naw Khanpughi kä hmuk ci.

THU PHLAAN 22:11

Akshe bik ciah chang cu akshe bi lä sä, cheishoh ciah chang cu cheishoh lä sä, akni bik ciah chang cu akni bi lä sä, theingciim ciah chang cu theingciim lä sä” cine na kyak nak ci.

1 JOHAN 2:29

Nangmi naw Bawi Khrit cu ng’düng ciah nami hmat ci; acun ah mäih ah düng nak bik ciah chang phung cu Khanpughi ah hta ah kyak ci, cicu nami hmat vai kyak ci.

2 KORIN 7:1

Teihpüi gui aw, shin ah shaitaak gui cu mikmi ah hmawk ah kyak ci. Cun ah kyasei pumsa la m’lungkyong shetkat sak ci phung cu theingcim sak ne, Khanpughi kyih aa nak awn kümbe ciah theingcim ne mi om khai nei.

ZEPHANIAH 1:6

Kei ungka ng’hlat ne kä na läk ba ci gui la kä law ba ne, kä na ng’yoi thäh law ba ci gui phi, ka m’di gui khai.”

EZEKIEL 36:25

Kei naw nami khan ah tuici awn ka ning k’peh gui khai, nami agup gui avan la nangmi ning lelawi sak gui ci nü ungka ka ning theing sak gui khai.

JOB 15:16

Chang naw akshe cu tui ah mäih ah awk ci, Chang cu akcang ah cheishoh ci, alä maih ah kyak ci.

2 SAMUEL 20:2

Cun ah kyasei Israel chang gui cu David hteh ta u ne, Sheba awn hteit ba ci gui. Cun ung phi Judah chang gui cu om shüt ne, bekhüt u ne, Jordan ungka naw Jerusalem ah khüt sei David cu läk ci gui.