SAM 53:1 - Cho Bible Common Language 2016

¹ Chang gu ang gui naw ami m’lung kyong ung “Khanpughi kä om ci” cik ci gui. Ngami cu didap u ne m’shemshai ciah bi bik ci gui; ng’düng ci bik ci tumat phi kä om ci.

SAM 53:1 Referans Kwoze

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.

ROMAN 1:28

Cun ah chang gui cu Khanpughi kä shüm hmat u khätah, Khanpughi naw shekat nak ung nawng gui sei, kä a khin kä ak khaa ah kya lawk ci gui.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

JOB 15:16

Chang naw akshe cu tui ah mäih ah awk ci, Chang cu akcang ah cheishoh ci, alä maih ah kyak ci.

1 GHANGPUGHANG GUI 14:24

Akshekha pi cu, a gup khawihnah nak ah hmun gui ung pawmyaa ciah hnumi pami gui ami bilawh ah kyak ci. Israel kho ung ami gawk law yah ung cun ah kho ungka Bawipa naw aktäm gui ah chang gui ah ami bi ah thui ng’aa nak avan cu Judah chang gui naw bik ci gui.

1 PETER 4:3

Ng’pyi pyi ciah akhin ung nangmi cu, khritha ah kä kyak ci gui ah om ih ah mäih ah ak shou nami om pyi ci. Kä yum hmat nak, hlawhlaang nak, awktat nak, hlimtui nak, yu ng’kawi nak, la ang htei ah m’shemshai ciah a gup khawihhnah nak ung, nami ghin nak cu ng’pyi te ci.

EPHESIAN 5:12

(Chang gui naw m’yih m’thuh ne ami bilawh gui cu, pyein tu vai ah phi lü ng’aa vai kyak ci nei.)

MATTHE 5:22

Cun ung phi kei naw tuhbäi ka pyein cu, a mät ah phäi nau m’lungshe nak ciah chang cu, thawng kyum khai nei. Tumat la tumat ng’vawng shang ne ng’plah tang tuk ciah chang cu, yung ah m’kawt ung m’kat nak gah khai nei. A mät ah phäi nau chang k’she ah m’keih ciah chang cu, m’htei-mei ung lut khai nei.

SAM 10:13

Changshe naw a i cha ah Khanpughi a päipih vai ang, “Ani naw kä na m’kyuk khai” cine, a i ah a kyak vai ang?

SAM 10:11

Changshe naw amät ng’htau pyi ne, “Khanpughi naw a i ah kä na sui ci! Amik m’shing ne, kei cu kä na hmuk ci!” cik ci gui.

SAM 10:6

Amät ng’htau ne, “Kei kä ka zu ng’kia hlawt khai; kei khuikha nak ung kä ka gawk hlawt khai” cik ci.

JOB 14:4

Kä theingthap cicu angtäi sei kä theingthap ciah chang ungka lawk ci nei.

1 GHANGPUGHANG GUI 12:26

Ani cu amät ng’htau ne, “Tuhbäi ung, kei ah ka chang gui cu Jerusalem ah hteit u ne, a cu ah Taigüim ah Bawipa am khawihnah nak ami douthak ah a kyak ung, ngami cu Judah ghangpughang Rehoboam täng ah ami m’lung hlaih sei, kei cu na ngawn khai gui” cik ci.

THULÄÄN NAK 12:31

Ngami naw ami khanpughi gui ami khawihnah ah mäih ah Bawipa nami Khanpughi cu kä nami khawihnah vai. Ami khanpughi gui ami khawihnah nak ung ngami naw Bawipa ah thüi nak ah shemshai ci phung avan bik ci gui. Ngami naw ami sonkiang khan ah mei ung ami hta nau gui hngaw khawihnah ci gui.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

EZEKIEL 16:51

“Nangmi ah katnak a teih hlawk phi Samaria naw katnak kä bik ci. Ani ah bi ah ta däm pi ne shemshai khai ah nangmi name hnün tho ci. Nang ah hma katnak gui awn m’täng ung nang ah be gui cu Chang ni ah mäih ah kyak ci gui.

EZEKIEL 16:47

Nang cu ngami läk gui ne ami khaw ne hung kai ne, shemshai ciah ami hnun thawh cu na theitu nak awn na ng’büh ne ang? Kä na ng’büh ci, akhin api hta ah kyong ung ngami naw ami bi gui nü ngata kaa pi khai ah nang naw na bik ci nei.

SAM 92:6

Shin ah a mawng cu ak gu naw kä a hmat; ak ang naw kä a k’shing:

SAM 88:1

Bawipa Khanpughi, ka Hunbawi, khaw hnüüpum kyap ne, khawmü ah na pei ah ka lawk ci nei.