SAM 51:12 - Cho Bible Common Language 2016

¹² Na hun nak ungka lawk ciah yeikyai nak cu na be tu ba ä, ka ning läk nak vai ah na ng’yak hlü ah na pyang ä.

SAM 51:12 Referans Kwoze

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

SAM 13:5

Kei naw ng’täi ciah na m’hni nak cu ka yum ci nei. Na na hun ah hmawk ah ka yei kyai khai nei.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

2 KORIN 3:17

Bawipa cicu Mumcha ah kyak ci Bawipa ah Mumcha ah om nak cu ng’päi ng’yee nak ah kyak ci.

LUKA 1:47

Khanpughi Hunbawi hmawk ah ka mümcha yeikyai ci,

SAM 35:9

Cun kawn ah Bawipa ah hmawk ah ka yei khai nei; Ana hun ah hmawk ah ka yei kiai khai nei.

SAM 119:133

Na shaitak ah mäih ah zu ng’kiak nak ung ka, na k’pang ä; akshe gui naw kä na näng en u sä.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

ROMAN 8:15

Khanpughi ah ning peit gui ah Mumcha naw nang mi cu Khlei-htein ah kä ning k’hmoh gui ci, kyih ah phi kä ning kyihkyawk sak gui ci. Mumcha naw mikmi cu Khanpughi ah hta gui ah na pyang gui sei, Mumcha ah na peit gui ah hlüngtai nak awn Khanpughi cu, “Ka Pa, Ka Pa,” cine khü tu vai ah mi khin tuk ci.

JEREMIAH 10:23

Bawipa, a u naw amät ah mawng lam kä m’khüt ciah ka hmat ci nei; a u naw phi amät ah ghin nak cu kä k’pang hning ci nei.

ROMAN 14:4

Nang a u ah kya ne chang hei ah changshäm cu nam khoichaa tu vai ang! Cun ah changshäm naw a bilawh a näng la kä a näng cu, amät ah bawi naw m’khoichak khai nei. Ani cu näng khai nei, a i ah kya sei ci ung Bawipa naw ani cu näng khai ah am htei ah kyak ci.

SAM 21:1

O Bawipa, nang naw thagui pek ci sei, ghangpughang cu yeikyai ci nei; Nang naw näng sak ci sei ani cu lünlawi ci nei.

SAM 19:13

Hmat lang ne katnak ung ka, na gung ä; Cun gui naw kä na uk-en u sä. Cun kawn ah kei ka kümbe khai nei, sheka ne cheishoh nak ung na m’hlawt ä.

SAM 17:5

Kei cu nang ah lam ung angtäi ah ka hteit ci, lam kä ka pleng phung ci.

ISAIAH 49:13

Ng’äi m’cu vä, khankho gui! Zei ne m’lau ä, khomdek! Khomhtung gui naw yei ne ng’äi m’cu u sä! Bawipa naw a chang gui cu shungvong gui khai nei; Ani naw yaica ciah a chang gui cu m’gein gui khai nei.

SAM 24:4

Cun ah chang gui cu, ami bi theing ne, ami ngaih ng’cim ci, a gup kä khawihnah ci gui, akshe ah shai kä tak ci gui ah kyak ci.