SAM 51:11 - Cho Bible Common Language 2016

¹¹ Na ma ungka kä na k’tääm men ä; Na Mumcha Theing kä na lak en pe ba ä.

SAM 51:11 Referans Kwoze

EPHESIAN 4:30

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

2 GHANGPUGHANG GUI 13:23

cun ung phi Bawipa naw ngami cu m’gein gui ne chihna gui ci. Kä dishum sak gui ci, cun ung phi m’htei gui ci, a cun cu Abraham, Isaak la Jakob ung a shaitak ah phäh ah kyak ci. Ani naw a chang gui cu kä m’hnih gui phung ci.

ROMAN 8:9

Cun ung phi Khanpughi ah Mumcha cu nang mi ung akcang ah om ciah a kyak ung, hnicim chang ah m’cäi ah kä om u ne, Mumcha Theing ah m’cäi ah nami om vai. Bawi Khrit ah Mumcha ah kä om nak ah chang cu Bawi Khrit awn kä ng’phaa ci.

ATÜNNAK 6:3

Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.

JOHAN 14:26

Kapa naw kei ah ming awn a tüih law ah ning m’htei gui ciah Mumcha Theing naw a päng avan ning m’thei thang gui ne, kei naw ka ning m’thei thang gui phi avan ning shüm ba sak gui khai.

LUKA 11:13

Nangmi cu changshe ah kya pang u ne phi nami hta gui-am akni nami peit gui ung, khankho ah om ciah nami Pa Khanpughi naw ng’yoi ciah chang gui-am Mumcha Theing cu akbä ah pek khai nei” cik ci.

SAM 71:18

Kei ka ghi lawk ci, ka lu phi ng’pyok ci, O Khanpughi, kä na nawng en ä! Na hlüngtai nak la na huham cu ng’shon päng ung ka ng’shäu güt, na om püi ä.

1 SAMUEL 16:14

Bawipa ah mümcha naw Saul cu htehtak ci, Bawipa naw mümcha she cu ani shekdam nak khai ah tüi ci.

1 SAMUEL 10:10

Saul la achangshäm cu Gibeah ah ani gawk law yah ung prophet bum naw hmu lawk ci gui. Ang ghit ah Khanpughi ah mümcha naw ani cu k’pang ne m’lau tuk ci.

SUKI GUI 16:20

Cun kawn ah ani naw, “Samson! Philistin gui lawk ci gui nei” cine m’lau ci. Ani cu tho law neta, ngaih-tüh ci, “A yanä ah mäih ah tubäi phi luat ne ka hteit khai” Ani naw Bawipa naw a hteh tak cu kä hmat ci.

2 THESSALONIAN 1:9

Ngami cu angtäi sei geinvai nak ah shetkat nak ung yaica khai gui, cun cu Bawipa awn ng’pai nak la abawimang nak awn ng’shawng nak ah kyak ci.

SAM 71:9

Kä na hnu ng’tuk püi en ä, kei ka ghi lawk ci; kä na nawg düt en ä, kei ka tha ken lawk ci.

2 GHANGPUGHANG GUI 24:20

Bawipa naw Jerusalem la Judah chang gui ah khan ah ang htei ah m’lungshe neta, ani naw amät ungka naw k’täm gui ci.

2 SAMUEL 7:15

Cun ung phi kei naw ani ka m’düih nak cu, Saul m’hnawn ne ka bi ah mäih ah kä ka la ba khai, cun ah kyasei nang cu ghangpughang ah na kyak ci.

SUKI GUI 15:14

Ani cu Lehi ung gawk law khäta, Philistin gui cu ani täng ah dawng law u ne, ani cu m’lau ci gui. Ang ghit ah Bawipa ah huham naw ani cu k’thamah nak pe sei, aban, a kut ung ami khih nak ah gui, gui cu mei ah uih ah pyai hta mäih ah kaih pit yawp ci.

JEREMIAH 7:15

Nami mäih yah gui Israel gui ka k’täm ah mäih ah nangmi cu kama ungka naw ka ning k’täm gui khai. Kei, Bawipa naw ka pyen ci.”

SAM 43:2

Nang cu ka ng’yii nak ah na kyak ci. A i ah kyasei na na nawng ang? A i ah kyasei ka ga gui ah shedam nak ung, ka gein-vai vai ang?

ATÜNNAK 4:14

Nang naw kei cu shin ah khomdek ungka, na na k’täm pyi ci, nang phi kä ka ning hmu ba ci nei. Kei cu khomdek khan ung a im kaa ah kya ne ka om khai nei. Na hmuk ci naw kei cu na ngawn khai nei” cine ng’hui ba ci.

ROMAN 1:4

Ak khanchang theing nak ah, Khanpughi ah Htapa ah a kyak cu ang dang vai ah Khanpughi naw abämang hlüngtai nak awn sih nak ung kaa thawh ba sak ci.

2 GHANGPUGHANG GUI 23:27

Bawipa naw pyen ci, “Kei naw Israel ah khan ah ka bi ah mäih ah Judah ah khan ah ka bik khai: Judah chang gui cu kei naw ka mät täng ungka naw ka k’täm gui khai, kei naw Jerusalem cu ka hnungtuk püi khai, cun cu mang gaw, Taigüim, kei na khawihnah nak vai ah hmun ah kei naw ka ghü te ah kyak ci.

SUKI GUI 13:25

Ani cu Zorah la Esthaol ah ng’lak Dan phung ung a om sang ung Bawipa ah huhum naw tün ne kitha gui pek ci. Nazaret: cicu yu phi, sapyit tui phi kä aw ne, lu kä k’teiu ne, aksi kä tam ne, Khanpughi kyih aa ne, Khanpughi ung ng’ap ciah Chang ah kyak ci.