SAM 51:1 - Cho Bible Common Language 2016

¹ O Khanpughi, na m’hni nak awn na chimgein ä. Hlüngtai ciah na m’gein nak awn ka katnak gui na phai pe ä.

SAM 51:1 Referans Kwoze

LAMKTU 3:19

Cun ah kiah seih ng’yu ba u neh Khanpughi ah ng’hlat law vä, nami katnak ning m’gein gui khai.

ISAIAH 44:22

Kei naw nami katnak cu kho ng’mei ah mäih ah ka zon sak ci nei. Kei ah law ba vä, kei cu nangmi ning hun gui ciah ka kyak ci nei.”

ISAIAH 43:25

Cun ung phi kei cu nami katnak ning m’geinsei gui ciah khanpughi ah ka kyak ci, kei cu kei ah kya ne shin ah ka bi ah kyak ci. Ning hnung’tuk püi gui khai ah nami kat nak kä ka kawt khai nei.

SAM 51:9

Ka cheishoh nak gui cu kä na teng pe ne, ka shet nak gui cu na lim pe ä.

KOLOSE 2:14

Ani naw, thüilü nak vai ah ng’taang ciah mi puu gui cu, am küm nak ah kutlamtung ung asih nak awn thung pyi ci.

SAM 69:16

Bawipa, bä ne ng’täi ciah na m’hni nak awn na m’shang ä; küikyang ciah nam gein nak awn ng’hlat law ä!

2 SAMUEL 11:2

Hnüüp ät ung khaw k’awi nu ung; David cu ang yän nak ungka tho law ne, mang im k’cih khan ah hang kai ci. Ani cu hteit shüi neta tui ng’si ciah hnumi cu hmuk ci. Ani cu ang htei ah kyom ci.

SAM 106:45

Ngami ah hmawk ah a thukhän cu shüm ba ne, däm ciah am’hni nak awn m’düm gui ci.

SAM 4:1

Ka taigü cu na m’shang ä, O Khanpughi, ka ng’shung nak! Khüikha nak ung ka gawk sangung na na m’htei ci. Tuhbäi kei cu na m’gein ne, ka taigü cu na ngaih pe ä.

NG’ÄI KYAH 3:32

Ani naw ayä nak ung na law püi gui khai, cun ung phi ani ah na m’hni nak gui cu ng’hteicha ne khüighat ci.

SAM 119:124

Ng’täi ciah na m’hni nak awn kei ung bi bi ne, Na thumkhän cu na m’thei ä.

SAM 109:21

Cun ung phi uk ciah ka Bawipa, na shaitak ah mäih ah kei cu na m’htei ä, Na m’hni nak däm ci kyasei na gung ä.

SAM 40:11

Bawipa, na na chimgein nak cu kä ng’düm khai ah ka hmat ci nei. Na m’hni nak la na düng nak naw angtäi sei, na phyawn khai nei.

SAM 5:7

Cun ung phi küikyang ciah na m’hni nak awn, nang ah im khui ah ka law hning ci nei; Na Taigüim theing ung khawihnah hning ne, Na ma ah kawp ne ka ning m’tam khah hning ci nei.

SAM 106:7

Egypt kho ah om tuk ciah kami pupa gui naw, cäcat vai ah Khanpughi ah bi gui cu kä hmat ci gui; Ani naw am hni nak akda vei am dang gui cu m’hnih yawp ci gui, Tuisen tuinu pei ah am gäipi cu hnu ng’tuk püi ci gui.

SAM 69:13

Cun ung phi Bawipa, kei läi cu nang ah ka taigü ci nei; Khanpughi, nak bäi nak ah khin ung kei cu nam shang ä. Küikyang ciah na na m’hni ah hmawk la na na hun vai ah na shaitaak ah kei cu na m’shang ä.

DANIEL 9:9

Nang naw na chimgein ci, na geinsei ci, cun ung phi keimi naw kami ning hnungtuk püi ci.

ISAIAH 63:15

Bawipa, Thengcim ne, bäimang sei na om nak ah khankho ah ka naw na yuk teng gui ä. Dämdüh ciah keimi ah phäh ah na ng’ä nak cu a hawi ang? Na huham cu a hawi ang? Na m’hni nak la m’gein nak cu a hawi ang? Keimi kä na nawng en gui ä.

ISAIAH 63:7

Bawipa ah kä shum ciah am hni nak cu kei naw ka pyen khai nei; Mikmi ah phäh ah abi gui avan ah hmawk ah kei naw ka m’hlüng tai ci nei. Ani naw a chimgein nak la a m’hni nak awn Israel chang gui cu bämang khai ah hriham pe gui ci.

SAM 145:9

Ani cu avan ah khan ah nik ci, tüisho avan cu chihna ci.

SAM 77:9

Khanpughi naw ana m’gein nak gui cu m’hnih en khai ma? Ana kük nak gui cu am lung she nak naw ng’hlah püi khai ma?

DANIEL 9:18

Na ngai gui ä, O Khanpughi, na teng gui ä, keimi ah kami khüikha nak la na ming m’küi ciah mang gaw ah yaica nak cu na hmuh pe gui ä. Keimi nang ah kami taigü ci, cun cu keimi naw a hman kami bi ah phäh ah kä kyak ci, nang naw na chimgein ah hmawk ah kyak ci nei.

NEHEMIAH 4:5

Kami cokyang ciah keimi ami na shedam nak gui ah phäh ah akshe ami bi cu kä m’geinsei en gui ä, ami hmakat nak cu kä m’hni en pe gui ä.”

JEREMIAH 18:23

Cun ung phi Bawipa, kei na ngawn khai gui ah ami pawng m’htein avan cu nah mat ci nei. Ngami ah cheishoh nak kä m’geinsei en gui ä, ami katnak kä k’phiawn en gui ä. Ngami cu hnim ne shum sak gui ä, na m’lungshe nak awn om püi gui ä.”