SAM 50:7 - Cho Bible Common Language 2016

⁷ “Na ngai vä, ka chang gui, thu ka pyen lawk khai; Israel chang gui, kei naw hnu ng’tuk ne ka ning m’nüm khai. Kei cu Khanpughi, nami Khanpughi nei.

SAM 50:7 Referans Kwoze

SAM 81:8

Ka chang gui, ka ng’cäi cu ngai vä; Israel gui, ka ng’yak hlü a i ah mäih ah ngai vä!

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

JEREMIAH 2:9

“Cun ah kyasei kei, Bawipa naw ka chang gui cu, hnungtuk ne ka bün phei ba gui khai. Ami htangshon gui ah khan ah phi hnungtuk ne k’bün nak ka law püi khai.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ZEKHARIAH 13:9

K’pawih ba ciah bum ät cu kei naw ka m’nüm gui khai. Ngui cu mei awn m’ciim ah mäih ah kei naw ka m’ciim gui khai. Ghui m’nüm ah mäih ah ka m’nüm gui khai. Cun kawn ah kei ah ma ah taigü lawk khai gui, kei naw ka m’shang gui khai. Ngami cu ka chang gui ah ami kyak ah mawng kei naw ka m’thein gui khai. Kei cu ami na Khanpughi ah pyen ne ngami cu ng’kiaa lawk khai gui.”

EZEKIEL 20:7

Kei naw ka m’thein gui ci, ami m’hni ah shemshai ciah agup gui cu ghawt u ne, Egypt gui ah kä hman ciah khanpughi gui awn ami mät kä theing khai ah kä ami bi vai, a i ah kyasei ci ung kei cu Bawipa ami Khanpughi ah ka kyak ci.

EZEKIEL 20:5

Kei naw ka pyen gui cu m’thein gui ä. Kei naw Israel gui ka ghü yah ung kei naw shaitak ka bi püi gui ci. Kei naw Egypt ah ngami ah ma ah ng’dang neta ka m’thein gui cu: Kei cu Bawipa nami na Khanpughi nei.

ISAIAH 1:18

Bawipa naw pyen ci, “Tuhbäi amawng ama mi pyen khai. Nangmi cu katuak ah sisen nawn nami ng’hläuk ci, cung ung phi khüi bawk vaisü ah theing kiah khai ah ka ning m’si gui khai. Nangmi cu lelawinak awn sisen ah nami kiakung phi. Htawmu ah mäih ah nami bawk khai nei.

SAM 49:1

Chang nü naw ng’ya vä! Kho nü ung chang van,

2 SHONTÄP NAK 28:5

Ghangpughang Ahaz ah a katnak ah phäh ah Bawipa a Khanpughi naw ani cu Siria ghangpughang am hnim sak ne, Judean chang gui akda cu pha ne Damaskas ah hteh püi ci gui. Bawipa naw, Israel ghangpughang Remaliah ah hta Pekah am phi Ahaz cu hnim sak ne, khaw hnüüp ät ung m’gäi ciah Judean gakap 120,000 cu ngawn sak gui ci. Bawipa ami pupa gui ah Khanpughi naw shin cu a kyak sak ah kyak ci, a i ah kyasei ci ung Judah chang gui naw ani ami nawng ah phäh ah kyak ci.

2 GHANGPUGHANG GUI 17:13

Bawipa naw a changshäm gui la prophet cu kä ngai ci gui. Judah ung m’cäi gui khai ah tüi law ne; “Nami shetkat nak gui cu nawng ne kei ah ka ng’thu cu ngai vä, cun gui cu kei naw nami pupa gui am ka pek ah thukhän ung om ci nei, cun gui cu kei naw ka changshäm prophet gui ung ka ning pek gui nei.”

1 GHANGPUGHANG GUI 18:39

Cun cu chang gui naw hmu u neta, m’dek ung ng’yän neta ami pyen cu, “Bawipa cu Khanpughi nei, Bawipa bäng nei Khanpughi!”

SAM 81:9

Nang naw a hei khanpughi kä na khawihnah vai.