SAM 50:5 - Cho Bible Common Language 2016

⁵ Ani naw, “Bekhüt ciah ka chang gui, pek tak m’ghu tha ne thukän ci gui, kei ah law ne ng’bum law bä” cik ci.

SAM 50:5 Referans Kwoze

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

MATTHE 26:28

Hnicim chang ah cheishoh nak m’si nak ah, ka huk ah ka si ng’hlui ah kyak ci nei.

HEBRU 12:24

Nangmi cu thukhän k’thai pyang ciah ah Bawipa Jesuh la Abel ah si ah mä bä pi ciah shaitaak nak om ciah si ng’hlui ah ng’peh nak ung nami gawk pyii ci nei.

SAM 97:10

Bawipa naw akshe m’keih ci gui cu m’hni yum gui ci; Ani naw akchang gui ah ghin nak cu shungvong ci. Chang ashe ah huham ungka ani naw gung gui ci.

SAM 30:4

Bekhüt ciah ak chang gui, Bawipa m’taam ne ng’äi vä! Ak theing cim tumat ah bi cu shüm ba vä, ani cu yei nah vä.

NG'THU K'THUUK~ 2:8

Ani naw akni ah om püi ciah chang cu ngäng ne ani ung bekhüt ciah chang ah hteh nak cu üp oi sak ci.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

1 THESSALONIAN 3:13

A cu cha ah Bawipa naw ning k’thamah sak gui khai nei. Bawipa Jesuh cu ak chang theing gui awn a kyum law ba hnüüp ung, nangmi cu mi Pa Khanpughi ah ma ah, kümbe ne theingcim ciah chang ah nami kyak khai nei.

MATTHE 24:31

Cun kawn ah chang ah Htapa naw chünla ciah phyungheng tum sak gui netah, ak khankho chang gui cu hnilaw hnikiaak, a htum asiip ah tüi gui ne, khomdek vang kem ah kaa naw vang kem ah khüt khai ah a ghü ah chang gui cu m’cut sak gui khai nei.

ZEKHARIAH 14:5

Nangmi cu khomhtung hnih ah ng’pai ciah m’ghawng ung dawng ne nami phyawng khai. Judah khaw ung ghangpughang Uzziah ah uk sangung shipi a thüng yah ung ami phiawn ah mäih ah nami phyawng khai. Bawipa ka Khanpughi cu law ne khanchang avan law püi gui khai.

ISAIAH 13:3

Bawipa naw m’tam ne ang ngaih gep ah gakap gui cu khü gui ci, theingciim ciah ng’tuk bi vai la am lungshe nak ah chang gui m’kyuk gui vai ah kyak ci.

2 THESSALONIAN 2:1

Bawipa Jesuh Khrit a kyum law ah mawng la ani awn a täng ah om vai ah mi bum law ah mawng cu ka ning m’thein gui ci nei, Phäi nau gui aw.