SAM 50:2 - Cho Bible Common Language 2016

² Khanpughi cu Zion ah khan ah yuk shü ci, cun ah mang gaw cu kyom ne kümbe ci.

SAM 50:2 Referans Kwoze

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

SAM 48:2

Zion, Khanpughi ah khomhtung cu ng’tai ne kyom ci nei; küikyang ciah ghangpughang ah mang gaw naw m’dek khan avan ung yeikyai nak law püi ci nei.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

THULÄÄN NAK 33:2

Bawipa cu Sinai m’htung ungka kyum lawk ci. Ani cu Edom khaw ah khan ah khohni ng’shü ah mäih ah lut lawk ci, paran m’htung ungka naw chang gui ah khan ah ng’shü ci. Khanchang phia phia naw a täng ah om püi ci.

HABAKKUK 2:20

Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.

HOSEA 5:15

“Kei naw ka chang gui cu ami kat nak awn ng’büh ne yaica u ne, law ne kei ami na shui law güt ung kei naw ka nawng gui khai. Ngami ami yaica law ung kei ami na shui vai ah k’tha na lawk khai gui nei.”

NG’ÄI KYAH 2:15

Chang gui naw mang gaw ami kan yah ung, nangmi cu päipih ne ning teng gui ci gui, ngami cu ami lu tum ne, dishum ciah Jerusalem cu ngai tuk ci gui. Shin cu m’hni vai ah mang gaw ang? Shin cu khomdek khan ah yei nak vai ah kya ne ang?

ISAIAH 12:6

Zion ung om ciah chang pang cu m’lau ne ng’ai sak vä! Israel ah theing cim ciah khanpughi cu dämduh ci nei, ani cu a chang gui ah ng’lung ah om ci nei.”

SOLOMON NG’Ä~ 5:16

Ani ah m’gawng cu ng’ui hlü vai ah tui ci; Ani ah amawng nü naw kei cu na k’pang ci. Kei ah ka m’hni cu shin ah mäih ah kyak ci nei, Jerusalem hnumi gui aw.

SAM 94:1

Bawipa, nang cu m’kyuk ciah Khanpughi ah na kyak ci; na m’lungshe nak cu ng’leet law sak ä!

ZEKHARIAH 9:17

Cun ah khaw cu a i hlawk ah ni ne kyom khai aw! Chang nong gui cu cun ah khaw ungka htang m’guh la sapyit tui awn däm ng’ghaw khai gui.

ISAIAH 26:21

Bawipa cu khankho a om nak ung ka, khomdek chang gui ami kmakat ah phäh ah m’kat gui khai ah kyum lawk ci nei. Khomdek khan ung m’zih ne chang ngawn nak phung cu ng’dang ling khai nei, ami ngawn ah chang cu khomdek naw kä m’zih ba khai nei.

SAM 80:17

Na ghü ah chang gui la na khüighat sak ah pakhui gui cu shung ne ng’vong gui ä.

SAM 68:24

O Khanpughi, näng nak awn na law la Khanpughi ka ghangpughang, a theing ciim nak ung na law cu van naw hmuk ci nei.

SAM 48:3

Cun ah mang gaw ah chaam kyong ah ani awn om ung phyawn nak om ci, cicu Khanpughi naw m’dang ci nei.

SAM 80:2

Ephraim, Benjamin la Manasseh pakhui gui ah khan ah na mät cu dang sak ä. Na hta gui na m’dang gui ä, law ne na hun gui ä!