SAM 50:1 - Cho Bible Common Language 2016

¹ Ak hlüngtai pi Khanpughi, Bawipa naw thu pyen ci; Ani naw khomdek khan akhei ak kyang avan khü ci.

SAM 50:1 Referans Kwoze

SAM 113:3

A khei akyang avan ung Bawipa aming cu m’tamkhah vä!

MATTHE 25:32

Cun yah ung kho nüng ah kaa changpakhui avan cu ama ah ng’cut lawk khai gui. Htoshäm naw hto la me khoichaa ah mäih ah chang ah Htapa naw phi chang gui cu k’pai ne m’khoichaa gui khai.

JOSHUA 22:22

“Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

AMOS 3:8

Phongkawng am ngaw ung kä kyih ah a u om ne ang? Uktu Bawipa naw ng’thu a pyen ung ani ah ng’thu kä shäu ah a u om hlawt ne ang?

ISAIAH 1:2

Bawipa naw, “Khomdek la khomik, kei naw ka pyen law vai cu ngai vä! Kei naw ka m’ghin gui ah ak hmaw gui naw na hnu ng’tuk püi ci gui nei.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

JEREMIAH 10:6

Bawipa, nang ah mäih a u phi kä om ci; nang cu na m’gäi ci, nang ah ming cu dämduh ne huham mah ci.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

ISAIAH 37:20

Tuhbäi, Bawipa kami khanpughi, Assirian gui ah kut ung na gung gui ä, cun ung khomdek khan ah chang pakhui avan naw nang bäng cu khanpughi ah na kyak ciah hmat khai gui nei.”

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

SAM 83:1

O Khanpughi, kä dim düt en ä; kä kuap düt en ä, kä om düt en ä!

SAM 73:1

Am lung theing ciah Israel gui ah khan ah Khanpughi cu akcang ah nik ci.

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

2 SHONTÄP NAK 29:30

Ghangpughang la pakhui ung ami ng’vai gui naw, Levit gui ami pyen nak gui cu, David la prophet Asaph ah guk ah ng’äi gui cu Bawipa am ami m’cu vai ah pyen na gui ci gui. Cun ah kyasei chang nü naw akdämduh ah yei ne ng’äi m’cu ne m’khukdong ne, Khanpughi khawihnal ci gui.

1 SHONTÄP NAK 25:6

A hta pami gui ami van naw ami pa ah m’shümthein ah ka ung Taigüim ung khawihnah nak ung tingtäng ni ng’sheei ni cu tum ci gui. Asaph, Jeduthun la Heman ni cu ghangpughang ah thukbäi ah mäih ah bik ci gui.

1 SHONTÄP NAK 25:2

Asaph ah hta pami phli: Zakkur, Joseph, Nethaniah la Asharelah. Ngami cu Ghangpughang naw thumkhän a pek law päng ung Khanpughi ah ng’thu ng’shäu ciah Asaph ah m’shüm thein nak ah ka ung om ci gui.

1 SHONTÄP NAK 16:37

David ghangpughang naw Asaph la a Levit-paw gui cu Thukhän M’küm tha nak ah hmun khawihnah nak ung angtäi sei bii bik khai ah tha gui ci. Ngami cu cun ung a hnüüp tä sei ami bii vai bik ci gui ah kyak ci.

1 SHONTÄP NAK 15:17

Ng’äi m’cu ciah pahta ungka kyei ng’sheei tum khai ah ami ghü gui cu: Joel ah hta Heman, amätyah Asaph, Berechiah hta la Kushaiah ah hta Ethan, Merari pahta ah kyak ci. Ngami thawi gui ne, ak aw-hlüng ciah tingtäng tum khai ah ami ghü ah Levit gui cu: Zechariah, Jaaziela, Shemiramoth, Jehiela, Unni, Eliab, Maaseiah la Benaiah ah kyak ci. Ak aw ng’neim ciah tingtäng tum khai ah ami ghü ah Levit gui cu: Mattithiah, Eliphelehu, Mikneiah, Azaziah, la Taigüim ngäng ci gui ah Obed Edom le Jeiela ah kyak ci.

1 GHANGPUGHANG GUI 18:21

Elijah naw chang gui ah pei ah hteit neta a pyen cu, “Nangmi ah m’lung kyong pyan nak vai cu a i güt lüng khai ang? Bawipa cu Khanpughi ah a kyak ung khawihnah vä; Baala cu khanpughi ah a kyak ung khawihnah vä!” Cun ung phi chang gui cu m’kha ät ah phi kä ng’htau ci gui.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

1 SHONTÄP NAK 6:24

Tahath, Uriel, Uzziah, Shaul,

SAM 74:1

O Khanpughi, a i ah kiasei na na nawng gui ang? Na chang gui ah khan ah angtäi sei na m’lung she khai ma?

SAM 75:1

Ka mi ning m’taam ci nei, Khanpughi, ka mi ning m’taam ci nei! Na bäimang nak cu ng’shäu u ne, cäi aih vai na bi gui cu kami pyen ci nei.

SAM 76:1

Judah khaw ah Khanpughi cu hmat ci gui; Israel gui naw ang ming cu m’taam ci gui.

SAM 77:1

Khanpughi ah m’lau ne ka ng’khü ci; m’lau ne ka ng’khü ci, ani naw na ng’yak pek ci.

SAM 78:1

Ka chang gui aw, ka m’theithang cu ng’ngai ne, ka ng’thu cu ng’ya vä.

SAM 79:1

O Khanpughi, khuihei gui naw na khaw kaan lawk ci gui nei. Ngami naw na Pumim theing ng’gogan sak u ne, Jerusalem phi m’shet ci gui nei.

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

SAM 81:1

Mi ng’yii nak ah Khanpughi ah yei ne ng’shäu vä; Jakob ah Khanpughi cu ng’äi awn m’taam vä!

SAM 82:1

Khanpughi cu khankho kongsi lam shüm ne, khanpughi gui ah ng’lung ah ng’düi ne m’khoi m’cha nak bik ci: