SAM 5:9 - Cho Bible Common Language 2016

⁹ Kei ah ka ga gui ah thu ung bekhüt nak kä om phung ci; Ngami naw ah m’di hlü bäng ci gui. Ngami ah ng’thu cu ng’awi gi müi ne, hnip ci, Cun ung phi chang m’di nak ah hleei awn be ci.

SAM 5:9 Referans Kwoze

ROMAN 3:13

Ngami ah ami ng’thu m’kha cu, sih nak ng’cim hmun ah kyak ci; Ami m’lei awn thuvi hleeihlak ci gui, Ami m’gawng m’lei cu k’phyu m’äm ah mäih ah am äm om ci:

SAM 62:4

Nang bäng naw ani cu m’tamkhah nak ah hmun ungka chah vai ah na ng’ya hlük ci. Nang na hleei pyen ne na yeikyai ci. Na shai awn hriham thu na pyen ci, cun ung phi na m’lung kyong ah ani na ng’plah ci.

MIKHAH 6:12

Bühmang ciah nami chang gui, chang pyaam lei ei ci gui, chang avan cu nami hleeihlak ci.

NG'THU K'THUUK~ 29:5

Nang naw kä akni ah na teihpüi na m’tamkhah ung namät ah phä h ah cuun na cuun ah kyak ci.

SAM 51:6

Bä nak la ng’düng nak cu na m’hni ci kya ne, Na cüivai nak awn ka m’lung na k’be ä.

LUKA 11:44

Nangmi ung shekat nak om ci. Nangmi cu a hnün kä om ciah ng’cim hmun awn nami täng ci. Cun ah ng’cim hmun cu chang gui naw akhan ah kai na u ne phi, ng’cim hmun bä ah kä hmat ci gui” ci ne kiak na gui ci.

SAM 52:2

Nang cu chang m’di vai na pawng aih ci; Nang ah m’lei cu sem ghaat awn täng ci. Nang cu angtäi sei hleei nak na tüisho ci.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

JEREMIAH 4:14

Jerusalem na m’lung kyong ungka akshekha gui cu m’si ä, cun ung nang cu hun nak na gah khai. Nang naw shetkat nak gui laih laih ngaih-tüh ne a i güt na hteit khai aw!

SAM 64:6

Ngami naw akshe pawng püi u neta, “Keimi naw kümbe ciah cheishoh nak kami pawng püi ci,” cik ci gui. Chang ah m’lung la ngaih cu thuk aih ci nei.

SAM 62:9

Chang avan cu mei khu ah mäih ah kyak ci gui. Akzaw akdäm avan cu a kholä ah kyak ci. Ngami cu khin gui ung phi kä gih ci gui; Ngami cu khokhi ah yaang tu ba ci gui.

1 THESSALONIAN 2:5

Nangmi naw nami hmat ah mäih ah keimi cu chang m’tam khah ne kä kami ng’thu ci, kami mät ah hmawk ah kä kami ng’thu ci nei. Shin ah a mawng ung Khanpughi cu kami saksi ah kyak ci nei.

LUKA 11:39

Bawipa Jesuh naw, “Nangmi pharisee gui, nami ei bei, umk’am gui akpung ah theing khai ah nami m’si ung phi, nami m’lung kyong läi cu ng’tuk ng’ah nak hlü la shetkat nak awn be ci nei.

EZRA 8:21

Cä ah Ahava tui cawh pei ung mik mi ah phäh ah tuhbäi ka pek ci. Mi van ei hlawi ne mi Khanpughi ah ma ah m’lung mi ng’neim sak khai. Mihteh nak ah lam ung ma ana tawn gui vai ah mi k’thäh khai. Mi mät mi hta nau gui la mi khawh cham avan ana shungvong gui vai ah,

SAM 27:11

Bawipa, na ng’yak hlü ka bi vai ah, nam thei ä, phyawn nak ah lam düng na m’shüm ä. Kei cu ka gaa da aih ci nei.

SAM 69:19

Ka lü nak, ka thüi nak, kä ka düng nak cu nang naw na hmat ci nei; ka gaa gui avan nang naw na hmuk ci nei.

ISAIAH 26:7

Bawipa, nang naw changni gui ah lam cu na ng’müi sak ci; Ngami ah lula nak ah lam cu na nep sak ci nei.