SAM 5:7 - Cho Bible Common Language 2016

⁷ Cun ung phi küikyang ciah na m’hni nak awn, nang ah im khui ah ka law hning ci nei; Na Taigüim theing ung khawihnah hning ne, Na ma ah kawp ne ka ning m’tam khah hning ci nei.

SAM 5:7 Referans Kwoze

SAM 138:2

Theingcim ciah na pum im man ne, m’khuukdong ne na ming ka m’tam ci nei, a i ah kyasei ci ung ng’täi ciah na m’hni nak la na bekhüt nak ah hmawk ah kyak ci, a i ah kyasei ci ung na ming la na thumkhän a hlüngtai ah hmawk ah kyak ci.

SAM 132:7

Mikmi naw, “Bawipa ah im ah mi hteit khai nei; Amang kiang pei ah mi khawihnah khai nei” mi cik ci.

SAM 69:13

Cun ung phi Bawipa, kei läi cu nang ah ka taigü ci nei; Khanpughi, nak bäi nak ah khin ung kei cu nam shang ä. Küikyang ciah na na m’hni ah hmawk la na na hun vai ah na shaitaak ah kei cu na m’shang ä.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

ISAIAH 55:7

Chang omshe gui naw ami ghin om nak ah lam cu nawng u sä, ami ngaih-tüh nak cu m’thawng u sä. Ngami cu Bawipa, mi Khanpughi ah ma ah ng’hlah sak gui vä; ani cu chimgein ne, ang ghit ah m’geinsei ci nei.

DANIEL 6:10

Cun ah thu k’bäi ami guk cu Daniela naw hmat neta, a im ah hteit ba ci. A im akhan kyong ah Jerusalem täng ah mang ciah m’kawt gui om ci. A cun ung ani naw akphlüt sei a bi man ah mäih ah, m’kawt hmawng ne m’khuuk dong neta, hnüüp ät ung thum vei ci, Khanpughi ah taigü ci.

JOSHUA 24:15

Ani ah bii bi vai cu kä nami ng’yak hlü ah a kyak ung, a u ah bii bi vai cu tuhngawi nami phukpit vai. Mesopotamia ah nami pupa gui ah khawihnah man ah khanpughi gui ang? Tuhbäi nangmi naw nami om nak ah khaw mah gui, Amorit gui ah khanpughi gui ang? Kei la ka kyongchang läi naw Bawipa ah bii kami bik khai nei.”

LAMKTU 9:31

Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.

HOSEA 3:5

Cun ung phi Israel chang gui cu Bawipa ami Khanpughi la ami ghangpughang David ah htangshon ah ami ng’hlah law ba nak vai ah akhin cu gawk lawk khai nei. Cun kawn ah ngami naw Bawipa cu kyih aa u ne ani ah m’cümhnah akni cu gah khai gui nei.

1 GHANGPUGHANG GUI 8:38

ami taigü cu ngaih pe gui ä. Na chang Israel ungka gui cu ami m’lung thüisei, Taigüim täng ah ami kut shäng ne, ami taigü ung,

ISAIAH 64:11

Kami Taigüim, theingthap ne kyom ciah hmun, kami pupa gui naw ami ning m’hlüngtai nak man cu mei naw m’khih sei di ci nei. Keimi naw kami m’hni ah hmun gui avan cu di yawp ci nei.

SAM 69:16

Bawipa, bä ne ng’täi ciah na m’hni nak awn na m’shang ä; küikyang ciah nam gein nak awn ng’hlat law ä!

SAM 55:16

Cun ung phi Bawipa, Khanpughi cu na m’htei khai ah ka khü khai, ani naw na hun khai.

SAM 52:8

Cun ung phi kei cu Khanpughi ah im ung ghing ciah Olive sing ah mäih ah ka kyak ci nei. Kei naw hlim ciah am hni nak cu angtäi sei ka ngaih u ci nei.

SAM 51:1

O Khanpughi, na m’hni nak awn na chimgein ä. Hlüngtai ciah na m’gein nak awn ka katnak gui na phai pe ä.

SAM 28:2

Na nam htei vai ah ka m’lau ung, Na pum im theing lam ah ka kut ka k’shäng ung, na ngaih pe ä.

1 GHANGPUGHANG GUI 8:35

Na chang gui naw ning hnungtuk püi ne hmakat nak ami bi ah phäh ah khaw ah käu sak sang ung, ngami cu ng’yu ba u ne, Taigüim ah ng’hlat law ba ne, m’lung neim ne ami taigü law ung,

SAM 130:4

Cun ung phi na na m’geinsei gui ah akyak ung, nang ung kami m’chang m’sui khai nei.

SAM 34:17

Düng ciah chang gui naw Bawipa cu ami khü ung ngaih pe gui ci; ami khüikha nak avan ung gung gui ci.

SAM 101:7

Kä hleeihlak ciah chang cu kei ah mang im ung om khai; kä thuvi ciah chang cu kei ah ma ah ng’düi khai.

NG'THU K'THUUK~ 6:16

Bawipa naw a thüi nak, kä am hni gui mawng chih om ci, cun gui ci: yawshe na ne teng, hleei ciah m’lei, changningawn ciah kut, akshe ngaih-tüh ciah m’lung, akshe bi avai ah yangkhai ciah khaw, hleei pyen ne saksi nak la teihpüi gui ng’tuk vook sak ciah chang ah kyak ci.