SAM 5:4 - Cho Bible Common Language 2016

⁴ Nang cu cheishoh nak yei nak ciah Khanpughi ah kä na kyak ci; Ak she phung na ma ah kä na hmu hlük ci.

SAM 5:4 Referans Kwoze

SAM 11:5

Ani naw akni la akshe cu m’nüm ci; Thukän m’shet cicu am lung avan awn gen ci.

HEBRU 12:14

Chang päng awn dimdeeih sei nami om vai ah k’tha nah vä, theing cim sei nami ghin vai phi k’tha nah vä, cun ah kä om ciah chang naw a u naw phi Bawipa cu kä hmuk khai nei.

MALAKHI 2:17

Nangmi cu ng’thu m’da ne Bawipa cu nami cümbawng sak ci. “A i hawkcha ah chang kami cümbawng sak?” cine phi nami ng’shik ci. “Hlüngtai ciah Khanpughi naw, ak she bik ci gui cu nik ciah ngai ne m’hni gui ci” cine phi nami kyak ci. M’khoichak ciah Khanpughi cu a hawi ang?” cine phi nami kyak ci.

SAM 140:13

Düng ciah chang gui naw akcang ah ning m’tam khai gui nei; Nang ah ma ung ngami cu ghing om khai gui nei.

SAM 50:21

Nang naw shin ah mäih gui bik ci sei, kei naw a i kä ka pyen ci. Cun ah kyasei kei cu nang ah mäih ah ka kyak ciah na ngai ci. Cun ung phi tuhbäi nang cu ka ning züi m’cäi ci.

THU PHLAAN 21:27

Cun ung phi kä theingcim ci phung api ah phi, cun ah mang gaw ah kä lut tuk khai. Thui ng’aa nak vai bik ci la hleeihlak ciah chang gui phi kä lut tuk khai gui. Htomehta ah ghin nak ca-uk ung angming guk ah chang gui bäng vah cun ah mang gaw ung lut tuk khai gui.

HABAKKUK 1:13

Shin ah changshe gui, kä bekhüt ci gui, a i ah kyasei na ng’düih püi gui ang? Na mik cu theing ciim ci, akshe kä na teng hlük ci, cheishoh nak bik ciah chang täng ah kä na ng’düi ci, Ngami naw ami mät ah mä yum pi ciah chang ami m’di yah ung, a i ah kyasei adüm ah na om ang?

SAM 92:15

A cun naw Bawipa ah düng nak la ka khozii ung cheishoh nak kä a om ah mawng cu dang sak ci nei.

2 PETER 3:13

Cun ung phi Khanpughi ah shaitaak ah ng’düng nak ah hmun ah om nak, khankho thai la khomdek thai cu, mi ngäng ci nei.

SAM 101:7

Kä hleeihlak ciah chang cu kei ah mang im ung om khai; kä thuvi ciah chang cu kei ah ma ah ng’düi khai.

SAM 94:20

Nang cu kä düng khai ah m’khoichak ci awn kä na ng’pha ci, ngami naw kä cang cu cang ah pyang ci gui.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

JOHAN 14:23

Bawipa Jesuh naw, “Kei nam hni ciah chang naw kei ah m’thei thang cu ngai khai. Ani cu Kapa naw m’hni khai, Kapa la kei cu law ni ne ani a täng ah kani om püi khai.

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

SAM 63:2

Na phung kyong ung na ng’hmuh püi ä; na m’gäi nak la na bä nak cu na hmuh sak ä.

SAM 88:14

Bawipa, a i ah kyasei na na hnu nak ang? A i ah kyasei na na hteh taak ang?