SAM 5:3 - Cho Bible Common Language 2016

³ Kho ngawi hta ung ka k’aw cu na na ng’yak pek ci; Kho hni pyü ung taigü ne ng’ap ne, Na na m’shan cu ka ging ci nei.

SAM 5:3 Referans Kwoze

SAM 119:147

Hni kä a pyi law pha ung na na m’htei vai ah ka ning khü ci nei; Na shaitak ung ka ngaih u nak cu ka tha ci nei.

SAM 88:13

Bawipa, na nam htei vai ah ka ning khü ci, a khaw ngawi tä nang ah ka taigü ci nei.

MAKUH 1:35

A ngawi ung khongawi kho thai ghi ghi sei, Bawipa Jesuh cu tho ne lut law ne, a ding gei nak ah hteit ne taigü ci.

SAM 130:6

Mü m’than ngäng ci naw khüighat ne khaw thaih a gin co ah ta, khüighat pi ne, Bawipa cu ka ging ci ne.

SAM 55:17

Kho ngawi kho hnüüp, khomü ung kei cu ng’thu m’da ne ng’pa ngä sei, kei ah ka k’aw cu na ng’yak pek khai nei.

ISAIAH 26:9

Khomü ah ka m’lungkyong avan awn ka ning ngaih-tüh ci nei; Nang naw khomdek la a chang gui na ng’thumcha law ung, ngami ami van naw, taga nak ah mawng cu ng’thei khai gui nei.

SAM 69:16

Bawipa, bä ne ng’täi ciah na m’hni nak awn na m’shang ä; küikyang ciah nam gein nak awn ng’hlat law ä!

SAM 22:2

Kho hnüüp yah ung kei naw ka ning khü ci nei, ka Khanpughi, cun ung phi nang naw kä na na m’shang ci; mü ah phi kä ning khü ci, cun ung phi kä ka ng’düm hlawt ci.

JOB 34:28

Ngami naw dukhaih ci gui cu Khanpughi ah ma ah kyah m’lau sak u sei, M’htei gui vai ami ng’khü cu ani naw ng’yak ci.

SAM 44:5

Na mät ah huham awn kami gaa gui cu kami hnim ci.

SAM 74:12

O Khanpughi, nang cu ak htük ge ung kami ghangpughang ah na kyak ci; Nang naw akda vei na na hun gui ci.

SAM 84:4

Na pum im ung om ci gui cu yeikyai aih ci gui nei, Ang täi sei ng’äi m’cu ne ning m’taam ci gui nei.

SAM 130:2

O Bawipa, ka m’lau cu na ng’yak pe ä; Na na m’htei vai ka ng’khü cu na ngaih pe ä!

SAM 145:1

Ka Khanpughi la ghangpughang, na dämduh nak ah mawng cu ka ng’shäu khai nei; kho ng’län ung ka ning m’hlüngtai khai nei.

NG’ÄI KYAH 3:56

Ka kyah na ng’yak vai ah kei naw ka ning ng’coipaa nak yah ung, nang naw na ng’yak ci nei.