SAM 5:11 - Cho Bible Common Language 2016

¹¹ Cun ung phi nang ung phyawn nak gah ciah chang van cu, yei u sä; angtäi ah yei ne ng’äi m’cu u sä. Ning m’hni ci gui cu shung vong gui ä; Nang ah hmawk ah ngami cu akcang ah yei ci gui nei.

SAM 5:11 Referans Kwoze

ROMAN 8:28

Khanpughi m’hni u sei ang yak hlü ah a khü gui ah chang gui naw, ami bilawh nak ungka ng’dang lawk khai ah, Khanpughi naw ngahmi awn a täng ah a bilawh cu mi hmat ci.

SAM 68:3

Cun ung phi düng ci gui cu ani ah ma ah yeikyai ci gui; ngami cu yeikyai ne m’lau khai gui nei.

SAM 40:16

Nang ah lawk ciah chang avan phung cu yeikyai ne hüithaw u sä. Na hun nak ah hmawk ah m’hlüngtai ci gui phung naw, angtäi sei, “Bawipa cu hlüngtai aih ci nei” ci u sä.

JAMES 1:12

Tüihtok nak om pang sei phi bekhüt ciah chang cu, yeikyai nak om ci, a i ah kyasei ci ung cun ah mäih m’nüm nak näng ciah chang cu Khanpughi naw, m’hni ciah chang ah khan ah a shaitaak ah, ghin nak ah m’cümhnah cu gah khai nei.

1 KORIN 2:9

Cun ung phi cacim ung; ‘Chang naw kä a hmuh man, kä a ng’yak man, Cun ah kya lawk khai ciah chang naw kä a ngaih-tüh man, gui cu, Khanpughi naw ani m’hni ciah chang gui ah hmawk ah pyamtham pyi ci” ciah om ci.

THU PHLAAN 18:20

Khankho chang gui cun ah mang gaw adi ah phäh ah yei vä, Khanpughi ah chang gui ang düihpüi gui, purofet gui yeikyai vä! Ani naw nangmi ah khan ah abi phung phung ah hmawk ah Khanpughi naw ani cu m’kat pyi ci nei.

JAMES 2:5

Ngai vä phäi nau gui aw! Khanpughi naw ani m’hni ci gui ah khan ah a shaitaak ah mäih ah, yum nak ung bühmang vai la Khanpughi ah uknak kho khäm vai ah, pyamtham ci gui cu, ghü gui ci nei.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

SAM 69:36

Ak changshäm ah hta ng’shon gui naw khui m’düng khai gui, Ani m’hni ci gui ci, acun ah kho ung om khai gui.

SAM 65:13

Kho dou gui ung htome gui lum ne, güng nawi gui cu geit awn be ci. Apäng avan cu m’hlan ne ng’äi ne yei ci gui.

SAM 35:27

Kei na hmuh hlük ciah chang gui naw kei cu nak bün u ne, Ng’leng leng ne yei ne m’lau ne, “Bawipa cu hlüng tai aih ci nei, Ak changshäm gui ah näng ah hmawk ah ani cu yei kyai ci nei” cik ci gui.

SAM 58:10

Cheishoh ci gui ami m’kyuk gui ami hmuh ung düng ciah chang gui cu yei khai gui nei; Ngami naw changshe gui ah si awn ng’si khai gui nei.

JOB 38:7

Cun ah hnüüp kho thaih hta ung aisi gui naw atäng ah ng’äi m’cu ci gui, Khanchang gui cu yei ne m’lau ci gui.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.