SAM 49:6 - Cho Bible Common Language 2016

⁶ Cun gui cu a büh-mang nak ngaih u ciah changshe gui la, khawh mah ne längtang ci kyak ci.

SAM 49:6 Referans Kwoze

1 TIMOTHI 6:17

Khomdek khan ah bühmang ci gui cu kä ami khähghah längtang aih vai ah nam cäi gui vai nei. Ngami cu kä khäng lä khai ah khawhcham kä ngaih u ne, mi gah taang vai ah, ang nüng nüng cu, ang khaai nak awn nam shumphyuk gui ciah Khanpughi cu ami ngaih u vai nei.

JEREMIAH 9:23

Bawipa naw pyen ci, “Cüivai ci gui naw ami cüivai nak awn kä ami khäh ghah vai, Gai gawng ci gui naw ami thagui awn kä ami khäh ghah vai, büh mang ci gui naw ami khawh awn kä ami khäh gha vai.

SAM 52:7

“Teng vä, Shin ah chang cu phyawn vai ah Khanpughi ng’kä yii hnei ci nei, amät ah khawh düt ngaih u ne, akshe lam awn a phyawn nak vai shui ci nei.”

MAKUH 10:24

Ang düihpüi gui cu Bawipa Jesuh ah ng’thu ng’ya u netah, ngai khit ci gui. Cun kawn ah Bawipa Jesuh naw, “Ka hta gui aw, Khanpughi ah kho ah gawk vai cu khak aih ci nei!

LUKA 12:19

Cun kawn ah khawkum akda ei mang vai, khei ungka m’küm hmawng sei, yeikyai ne ei aw ne na om vai cine ka mät naw ka mät ka pyein khai” cik ci.

HOSEA 12:8

Ngami naw, “Mikmi cu mi bühmang ci, khawh akda mi tak ci. A u naw phi kä düng ci awn mi bühmang ciah kä na bün gui hning ci,” cik ci gui.

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

NG'THU K'THUUK~ 11:28

Amät ah khawh ngaih u ciah chang cu, sing hnah chawng ah mäih ah kyak khai. Cun ung phi düng ciah chang cu khoicha khaw ah sing lim ah mäih ah bühmang khai.

NG'THU K'THUUK~ 10:15

Khawhcham naw bühmang cicu shungvong ci, ghawipyam nak naw dukhaih cicu m’di ci.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

ESTA 5:11

Ani naw ngami ah ma ah khähghah ne, a i hlawk ah ang bähmang, a i chü ah a hta, ghangpughang naw hlüng pi ciah bawi ah atha, ahei ghangpughang ah bawi gui ah ta, ani a i hlawk ah a küikyang tuba, gui cu pyen ci.

SAM 56:5

Ka gaa gui naw ak hnüüp pum na khüikha sak ci gui, angtäi sei na ceng cham ci gui!

SAM 56:7

O Khanpughi, ami kat ah hmawk ah m’kyuk gui ä; Na m’lung she nak awn hnim gui ä!

SAM 112:7

Ani cu thushe ang yak ung phi kä kyih ci; a yum nak cu khüighat ci, Bawipa ung ng’ap ciah kyak ci.

SAM 112:8

Ani cu kä ng’ä ci, kä kyik ci; Ani naw a ga gui ah dimaih cu hmu gui ci.