SAM 48:2 - Cho Bible Common Language 2016

² Zion, Khanpughi ah khomhtung cu ng’tai ne kyom ci nei; küikyang ciah ghangpughang ah mang gaw naw m’dek khan avan ung yeikyai nak law püi ci nei.

SAM 48:2 Referans Kwoze

SAM 50:2

Khanpughi cu Zion ah khan ah yuk shü ci, cun ah mang gaw cu kyom ne kümbe ci.

MATTHE 5:35

Khomdek khü na kä nami ng’phyun vai, khomdek cu Khanpughi ah kho ng’leh nak ah kyak ci. Jerusalem gawnu khü ne kä nami ng’phyun vai, Jerusalem cu ghangpughang ah mang gaw ah kyak ci.

NG’ÄI KYAH 2:15

Chang gui naw mang gaw ami kan yah ung, nangmi cu päipih ne ning teng gui ci gui, ngami cu ami lu tum ne, dishum ciah Jerusalem cu ngai tuk ci gui. Shin cu m’hni vai ah mang gaw ang? Shin cu khomdek khan ah yei nak vai ah kya ne ang?

HEBRU 12:22

Cun nak vaisü ung nangmi cu Zion m’htung la angtäi ghing ciah Khanpughi ah mang gaw, Khankho Jerusalem, kä khei tai vai ah khanchang gui ah om nak ah nami gawk ci nei.

ISAIAH 14:13

Nang naw khankhaw ah hang kai ne, akhlüng pikbäih ah aisi gui ah khan ah na mangkiang k’süm vai ah nakbäi te ci. Khan pughi gui ah ami ng’bum nak a siiptäng khomhtung ung ghangpughang ah mäih ah ngoh vai ah nang naw na ngai te ci.

DANIEL 11:16

Tu law gui ciah Siria gui naw ami m’hni ah bii bik khai gui, a u naw kä hnungtuk püi gui khai. Ani cu shaitak ah khaw ung düi ne, cun ah khaw avan cu amät ah huham kyong ung chum khai.

EZEKIEL 20:6

Acun ah khin ung kei naw Egypt ungka ka la ba gui khai ah shaitak ne, ngami ah phäh ah ka ghü ah khaw ung ka hteh püi ba gui khai ah ka pyen ci, cun cu ng’büh mang ne ang lei nik ci, khaw avan ung aknipi ah kyak ci.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

DANIEL 8:9

Cun ah phli ungka tumat ung a ki hta tumat law law ba ci, Cun ah huham cu a htum täng, a khei täng la shaitaak khaw güt ah gawk ci.

ISAIAH 66:10

Jerusalem ung lünlawi vä; ani ah hmawk ah yeikyai vä, cun ah mang gaw m’hni ci gui nami van! Ani ah hmawk ah thüi sei ci gui nami van, Tuhbäi ani awn yeikyai vä!

MALAKHI 3:12

Chang pakhui avan naw yeikyai ciah chang ah ning khü gui khai, nami khaw phi nik ciah om nak ah hmun ah kyak khai.

JEREMIAH 3:19

Bawipa naw pyen ci, “Israel, Kei naw nang cu ka htanau ah ning dou hlü ne, om nak ah nik ciah khaw cu ka ning pek khai, cun cu khomdek khan ung akiom pikbäih ah kyak ci. Pa ah na na khü vai kei naw ka ng’ya hlük ci, kei kä nami na ng’hlah tak en ba phung vai.

SAM 76:2

Ani ah mang im cu Jerusalem ah om ci; ani cu Zion m’htung ah om ci.

SAM 87:3

Ngai ä, Khanpughi ah mang gaw oi, Nang ah mawng cäicat vai gui cu ani naw pyen ci nei:

SAM 99:9

Bawipa mi Khanpughi cu m’taam vä, Theingcim ciah khomhtung ung khawihnah vä! Bawipa mi Khanpughi cu Theingcim ci nei.

SAM 135:21

Zion m’htung la Jerusalem mang gaw a im ung, Bawipa cu m’tam vä. Haleluyah. Bawipa cu m’tam vä!

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

ISAIAH 60:14

Nangmi ning shedam na gui ciah ami hta gui cu law u ne, kawp u ne ami ning changsui nak m’dang khai gui nei. Acau ning päipih man ci gui ami van naw na khaw peiah law ne ning khawihnah khai gui nei. Ngami naw nang cu, ‘Bawipa ah mang Gaw’ ah ning khü khai gui nei. ‘Zion, Theingcim ciah Israel khanpughi ah mang gaw’ cik khai gui nei.

DANIEL 11:45

Ani naw tuinu la Taigüim ah om nak ah khomhtung ah ng’lak ung mang im gui co khai. Cun ung phi ani cu m’htei tuk khai a u kä om sei, a cun ung sik khai.