SAM 48:13 - Cho Bible Common Language 2016

¹³ k’pang gui cu m’htei ne teng ne, gaw chaam gui phi teng kheng vä, cun ung vah hta ng’shon ung nami pyen ba hlawt khai;

SAM 48:13 Referans Kwoze

SAM 71:18

Kei ka ghi lawk ci, ka lu phi ng’pyok ci, O Khanpughi, kä na nawng en ä! Na hlüngtai nak la na huham cu ng’shon päng ung ka ng’shäu güt, na om püi ä.

SAM 122:7

Na pang ah kyong ah dimdeeih nak om sä, na mang im kyong ah phyawn nak om sä.”

THULÄÄN NAK 11:19

Nami hta nau gui am nami m’theithang gui vai. Im ah nami om yah ung, sang ah nami hteh yah ung, nami ng’chiin yah ung, nami ng’bi yah ung nami m’thei gui vai.

AMOS 9:11

Bawipa naw, “Kei naw David ah uknak khaw ka cawh kyan ba nak vai ah akhin cu gawk lawk ci nei, cun cu ng’phyek ciah im ah mäih ah kyak ci nei. Akpaang gui cu piang ba ne, ka bum gui khai. Cun cu kei naw co ba ne, acau kaa ah mäih ah ka pyang ba khai nei.

JOEL 1:3

Shin ah mawng cu nami hta gui am m’thein gui vä; ngami naw ami hta gui am m’thein ba khai gui, shin pha tuk ci naw lawba ciah htangshon ung m’thein ba gui khai.

ISAIAH 58:12

Nami chang gui naw cau ng’phye ng’gäi cicu co ba khai gui, cawh kyan pyi phyim angnei ah khanah. Co ba mä khai gui, Nangmi cu Mang k’pang co ba ne, im she m’tho ba ciah ning hmat gui khai gui.”

ISAIAH 33:20

Zum nak ah pawi mi bi nak ah zion, mang gaw cu teng vä. Jerusalem cu teng vä! Cun cu om nak ah nik ciah, ng’geing ciah hmun ah kyak ci nei! Cun cu kä ng’plon phung ciah phung ah mäih ah kyak ci, ak tung gui kä pui mäih phung cu, a gui, gui kä pit phung ci.

EZEKIEL 21:25

“Nangmi chang shekha, kä theingcim ciah Israel uktu gui, nangmi ah hnüüp, nangmi ak hnu ah ning m’kyuk nak gui vai cu gawk lawk ci nei.