SAM 48:10 - Cho Bible Common Language 2016

¹⁰ Kho nü ung chang naw ning m’taam ci nei, Na ming theing cu m’dek ah khan avan ung ng’thang ci nei. Nang naw düng nak awn na uk ci;

SAM 48:10 Referans Kwoze

MALAKHI 1:11

Vang khaw cawi ungka naw vang khaw cawi ung khüt ciah chang gui naw na m’taam ci gui. A hmun päng ung ang ui gui m’khih u ne, dou thei vai ah khawihnah ci gui. Ami van naw na m’taam ci gui!

SAM 113:3

A khei akyang avan ung Bawipa aming cu m’tamkhah vä!

THULÄÄN NAK 28:58

“Shin ah ca-uk ung guk ah Khanpughi ah m’theithang gui cu bekhüt ne kä nami läk ung Bawipa nami Khanpughi ah cäicat vai la kyihkyawk vai ah ang ming cu kä nami m’tam ung,

JOSHUA 7:9

Kanaanit gui la shin ah khaw ung chang nü naw, cun ah mawng cu ng’yak ci gui nei. Ngami naw na khaai gui u ne, kami van na ngawn gui khai gui nei. Na ming küi m’küih nak vai ah a i na bik khai aw?”

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

THU PHLAAN 19:11

Cun kawn ah khankho m’kawt ng’hmawng sei ka hmuk ci. Cun ung ng’se bawk tumat om ci. Cun ah ng’se bawk ung ng’cum ci cu bekhüt la ng’düng nak ming nak ci. Ani cu ng’düng khai ah ng’thu m’chaa ne, ng’düng khai ah ng’tuk bik ci.

THU PHLAAN 19:2

Ani ah m’khoichaa nak cu ng’düng ne ng’khän ci nei. Ashetkat nak awn khomdek chang gui cheishoh sak gui ciah pletbeng ciah hnumi cu m’kat pyi ci nei. Ani naw Khanpughi ah chang gui a ngawn ah phäh ah Khanpughi naw am kat ah kyak ci nei” cine m’lau ci gui.

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

SAM 145:17

Bawipa cu a bilawh nak avan ung düng ne, a hnünthawh nak avan ung m’gein ci.

SAM 99:4

M’gäi ciah ghangpughang, nang naw düng nak la nikiom nak cu na law püi ci.

SAM 45:7

Nang naw düng nak cu na m’hni ci, akshe cu na gen ci. Cun cu Khanpughi, na Khanpughi naw a ning ghü ah kyak ci, Ani naw a hei ghangpughang gui ah mä, bä pi ciah yeikyai nak awn ning shawi ci.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.

1 SHONTÄP NAK 16:14

Bawipa cu mi Khanpughi nei; ani ah thumkhän gui cu m’dek ah khan van ah phäh ah kyak ci nei.