SAM 47:9 - Cho Bible Common Language 2016

⁹ Chang pakhui uk ci gui cu Abraham ah Khanpughi ah chang gui awn ng’bum ci gui nei. Gakap avan ah hlüngtai pi cicu ani nei; Ani naw m’gäi ne uk ci nei.

SAM 47:9 Referans Kwoze

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.

ATÜNNAK 49:10

Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

KALATIAN 3:29

Nangmi cu Bawi Khrit nami khäm ah a kyak ung, Abraham ah hta ng’shon ah kya u ne, Khanpughi ah a shaitaak cu nami gah khai.

NG'THU K'THUUK~ 30:5

Khanpughi naw abi ah shaitak phung cu k’pang khek ci, Ani ah shungvong nak shui ciah chang avan ah phäh ah ani cu shawi ah kyak ci.

SAM 97:9

M’gäi ciah Bawipa, nang cu khomdek avan uktu ah na kyak ci; Nang cu khanpughi gui avan nata, akdäm na hlüngtai pi ci nei.

SAM 72:11

Ghangpughang avan ama ah kawp khai gui; changpakhui avan naw a khut bik khai.

SAM 46:10

Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

ROMAN 11:25

Phäi nau gui aw, nami mät naw nami mät kami hmuhmat tei pyi ci, ciah kä nami ngaih en vai ah thuuk ne ng’kau ciah a mawng cu ka ning m’thein gui hlük ci. Cun cu, Jew chang gui cu angtäi sei ang laam khai gui ah kä kyak ci, Khanpughi ah lawk khai ah khui hei chang gui ami ng’küm ung khüt khai ah kyak ci.

MATTHE 22:32

Khanpughi naw, ‘Kei cu Abraham ah Khanpughi, Issak ah Khanpughi, Jakob ah Khanpughi ah ka kyak ci nei. Ani cu aksi gui ah Khanpughi ah kä kyak ci, ghing ci gui ah Khanpughi ah kyak ci,” cine m’thein gui ci.

ISAIAH 49:23

Nangmi ah hmawk ah ghangpughang cu pa ah mäih ah kya ne, ghangpughangnu cu nu ah mäih ah kyak khai. Ngami naw nang ah ma ah kawp ne ning m’tamkhah khai gui; Ngami naw ami m’lung neim sak ne, ami ning changmsui nak cu m’dang khai gui. Cun kawn ah Kei, Bawipa ah ka kyak cu nang naw na hmat khai, kei naw ka m’htei vai ah na k’äih ci phung cu am’lung kä thüi khai.”

ISAIAH 49:7

Israel ah theingcim ciah Khanpughi la hunbawi naw, chang gui naw ak nui ah ami päipih, chang pakhui gui naw ami thüi gen, uktu gui ah changshäm am a pyen nak cu; “Ghangpughang gui naw ning laut sak u ne, tho ne ami ning chang m’sui nak cu m’dang khai gui; Manghta gui naw phi cun cu hmu u neta, kawp ne ning chang m’sui khai gui.” Shin cu kya lawk khai, a i ah kyasei ci ung Bawipa naw a changshäm cu ghü pyi ci; Israel ah Theingcim ciah khanpughi naw a shaitak cu k’pank khek ci.

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

PHYAWN NAK 3:15

Kei, Bawipa, Ami pupa gui ah Khanpughi, Abraham, Isaak, Jakob ni ah Khanpughi naw, nangmi ah ana tüih law nei, cine Israel chang gui am na m’thein gui vai. Cun cu khonglän ung ka ming ah kyak ci. Cun cu ma lam ung hta ng’shon gui naw ami na khü vai ah kyak ci.