SAM 47:2 - Cho Bible Common Language 2016

² Bawipa, A hlüngtai pibäih cu kyih aa vai kyak ci nei; ani cu küikyang ciah ghangpughang, M’dekhan avan uk ciah kyak ci nei.

SAM 47:2 Referans Kwoze

MALAKHI 1:14

Ana pek vai ah a shaitak ah htome akni om lang sei, shekhak ciah ak ghing awn na khawihnah lawk ciah chang ah khan ah plah tam nak om sä! Kei cu küikyang ciah ghangpughang ah ka kyak ci, chang pakhui avan naw kei cu na kyih aa ci nei” cik ci.

SAM 99:3

Chang avan naw dämduh ne hlüngtai ciah aming cu m’taam khai nei. Ani cu theingcim ci nei!

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

SAM 47:7

Khanpughi cu m’dek ah khan avan ung ghangpughang nei; Ng’äi m’cu ne m’taam vä!

SAM 68:35

Israel ah Khanpughi, a theingcim nak ung ka lawk cicu kyih aa vai kyak ci nei! Ani naw akchang gui am thagui la huham pe gui Khanpughi kam taam ci nei.

THULÄÄN NAK 7:21

Cun ah kyasei shin ah chang gui kä nami kyih gui vai. Bawipa nami Khanpughi cu nangmi awn a täng ah om ci. Ani cu dämduh ciah Khanpughi, kyih vai tumat ah kyak ci.

SAM 65:5

Nang naw näng nak na pe gui ne, na na m’shang gui ci, cäicat vai bi ne na na hun gui ci. M’dek khan ah om ciah chang avan la tui ah m’cha nak ah om ci gui naw phi ning ngaih u ci gui nei.

NEHEMIAH 1:5

“Bawipa, khankho Khanpughi! Nang cu na dämduh ci, keimi naw kami ning kyih aa ci. Nang ning m’hni ne na thumkhän ah mäih ah bik ci gui ah khan ah thukhän cu bekhüt ne na k’paang ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

SAM 145:6

Chang gui naw m’gäi ciah na bilawh gui cu pyen khai gui, kei naw na dämduh nak cu ka ng’shäu khai.

SAM 76:12

Chang k’om ciah mang hta gui cu neim sak gui ne, ghangpughang gui ah kyih vai ah kyak ci nei.

THULÄÄN NAK 28:58

“Shin ah ca-uk ung guk ah Khanpughi ah m’theithang gui cu bekhüt ne kä nami läk ung Bawipa nami Khanpughi ah cäicat vai la kyihkyawk vai ah ang ming cu kä nami m’tam ung,