Biblia Todo Logo
Bib sou entènèt

- Piblisite -




SAM 46:10 - Cho Bible Common Language 2016

10 Ani naw, “Ng’tuk nak ung düm vä, kei cu Khanpughi ah na hmat vä, changpakhui gui ah khan ah ka hlüngtai ci, khomdek khan nüng ung ka hlüngtai ci.

Gade chapit la Kopi




SAM 46:10
26 Referans Kwoze  

Bawipa cu Khanpughi ah kyak ci, ciah hmuhmat vä. Ani naw na tüisho gui sei, ani ung mi om ci; mikmi cu ana chang gui, ana htome gui ah mi kyak ci.


Bawipa cu theingciim ciah a Taigüim ung om ci, m’dek chang phung cu adüm ah ama ah mi kawp khai nei.


Cun ah hnüüp ung kei naw changpakhui gui avan nam ka dämduh nak la ka theincim nak cu ka m’dang khai. Cun ung ngami naw kei cu Bawipa ah na hmat khai gui.


Bawipa ah ma ah chang ng’nü cu a düm ah om sä, ani cu theingcim ciah hmun, a om nak ungka naw law sang ci nei.


Nang bäng Bawipa ah na kyak la khomdek khan avan ung m’gäi ciah uktu ah na kyak cu hmat tu u sä.


Chang k’am nak gui cu ng’pyi ne, chang ah ng’shei nak gui cu di yawp khai. A cu hnüüp ung a gup gui cu api ah phi kä ng’dang ba khai gui, Bawipa amät bäng m’hlüng tai nak om khai.


O Khanpughi, na dämduh nak cu khomik ung m’dang ä, na bäimang nak cu m’dek khan avan ung be sä.


Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.


Bawipa, ghaa ciah na thagui ah hmawk ah kami ning m’hlüngtai ci nei! Keimi naw ng’äi m’cu ne, na hlüngtai nak cu kami m’taam ci.


Cun ung phi m’gäi ciah Bawipa naw a däinduh nak cu hman ci a bi nak awn m’dang ci, ani naw a theincüm nak cu a chang gui am khaicha nak awn m’than ci.


Bawipa cu khanpughi gui avan nah däm pi ciah tuhbäi kei naw ka hmat ci nei. Israel gui cu Egypt gui naw shin ah ami shedam nak gui yah ung, ani naw a bi ah kyak ci nei” cik ci.


Chang k’om nak ah khin ang pyi nak vai la chang ah ng’shei nak a dishum nak vai aha hnüüp cu gawk lawk ci nei. Bawipa amät bäng cu m’hlüngtai nak om khai net.


Khaw k’awi täng khawihnah nak ah khin ung prophet Elijah naw sonkiang pei ah law neta ak taigü cu, “O Bawipa, Abraham, Issak, Jakob ni ah Khanpughi, Israel gui ah Khanpughi ah na kyak ah mawng, kei cu na na changshäm ah ka kyak ah mawng, shin gui avan nang ah thumkhän awn ka bi ah mawng cu tuhbäi m’dang law ä.


Shin ah hnüüp ung Bawipa naw nang cu kei ah ka huham kyong ung ning tha ci nei; kei naw nang cu ning hnim ne, na lu ka ning täng khai nei. Kei naw Philistin gakap gui ah pumsa gui cu kha gui la khisa gui am ka vuh khai nei. Cun kawn ah khaw ah khan ung chang van naw Israel gui ah Khanpughi om ci, cicu hmat khai gui,


Ka pupa gui naw Kazan, Haran la Rezeph mang gaw gui cu m’di ne, Telassar ung om ciah Betheden chang gui cu ngawn gui ci, a i ami khanpughi naw phi kä hun gui ci.


Bawipa naw Joshua am, “Kä na kyih gui vai, ngami ung ashin ah khin ung Israel gui ah hmawk ah kei naw ami van ka ngawn gui khai. Nangmi naw ami ng’sela gui cu tuthat u ne, ami yatha gui cu nami m’khih vai” cine m’thein ci.


Bawipa naw a thumkhän ah mäih ah Joshua naw ngami ah khan ah bik ci. Ani naw ami sela gui cu tuthat gui ne, ami yatha gui cu m’khih ci.


Gai ciah gakap gui ah li cu hnget ci, aktha ken cicu gaigawng lawk ci.


Cun ah kyasei Israel ghangpughang naw aknui ah tu m’bei gui neta, ami ei awk pyi kawn ah Siria ghangpughang ah tüi ba gui ci. Cun ung tün ne Sirian gui naw Israel kho cu kä tuba ci gui.


Cun ung phi ami chim naw ami mät ngawn gui khai, ami li phi hnget khai.


Chang pakhui küi kyang gui ah ng’cuh can gui cu ani naw m’khoi chak khai, ngami naw ami khüm cu lai thawn nak vai ah kawt u ne, ami k’htei cu sangsawn ah kyak sak khai gui. Chaung pakhui gui cu ng’tuk nak ah kä hteit ba khai gui. Ng’tuk vai ah kä pawng ba khai gui.


Ani naw, “Elam Huham ah sak ciah likap gui avan cu kei naw ka ngawn khai.


Kei naw Egypt cu mei awn m’khih ne, ani shungvong ci gui avan ngawn ah a kyak ung, ngami naw kei cu Bawipa ah na hmat khai gui.


Kei naw ak eng täng kut ung a li la akpat täng kut ung amla cu ka ci pe hlit khai.


Ani naw pakhui gui ah ng’lung ah ng’cuhcan nak m’düih khai, aksho ang et m’gäi ciah huham ah ng’lung ah. Ngami naw ami khim cu k’tuu ah shep u ne, ami htei cu ng’vin ah shep khai gui. Pakhui gui ng’tuk nak kä om ba khai, ga vai ah kä pawng htein ba vai.


Swiv nou:

Piblisite


Piblisite