SAM 45:8 - Cho Bible Common Language 2016

⁸ Na suisak cu tui ng’ui la sing ng’ui ah ng’ui ci; Tum ng’lam ng’äi awm ci gui naw m’vui ha awn cawh ah mang im ung ning khin nak ci gui.

SAM 45:8 Referans Kwoze

SOLOMON NG’Ä~ 1:3

Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

JOHAN 19:39

Ayan khomü ah Bawipa Jesuh hmu law te ciah Nikodemus cun phi, tui ng’ui a hlü hlü pit m’ku-lei-hma law püi ne, Josef cu läk tuk ci.

SOLOMON NG’Ä~ 4:6

Kei cu Muran khogui, tui ng’ui khogui ah kho a thaih law güt ung, khomü ang pyi güt ung ka om khai nei.

MATTHE 2:11

Ngahmi cu im kyong ah va lut u netah, ak hmawhta cu anu Mari awn atäng ah hmuk ci gui. Cun kawn ah ngami cu m’khuukdoong ne kaup u netah, ami law püi ah ghui ni, Frankinsen tui ng’ui ni, mura tui ng’ui ni gui awn khawihnah ci gui.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

SAM 16:11

Nang naw ghin nak ah lam cu na nam shüm khai; Na na om püi nak naw yeikyai nak awn na be sak ne, angtäi hlimtui nak phi law püi ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

JOHAN 14:2

Kapa ah imah kyongkhui akda om ci, cun kä ah om ung nangmi ah om nak vai hteit ne ka pyang khai ah kä ka pyein khai

AMOS 3:15

Kei naw cingkhaw im gui la chakhaw im gui cu ka m’di khai. M’vui ha awn ami pyan ah im gui cu she ne di khai, im am kawm gui phung cu m’di yawp vai.”

SOLOMON NG’Ä~ 5:13

Ani ah ng’being cu tui ng’ui, papai ng’ui gui awn be ciah u-yin ah mäih ah m’hni vai kyak ci. Ani ah m’nei cu muran tui awn ng’shüi ciah tuili chei ah mäih ah kyak ci.

SOLOMON NG’Ä~ 5:5

Kei naw ani cu loh law sak ge vai ah ka om ci nei. Ka kut gui cu muran tui ng’ui naw küm ci, ka kutpyün gui cu muran tui bäng ah kyak ci. Kei naw m’kawt ka pan law ung a cun ah kyak ci nei.

SOLOMON NG’Ä~ 3:6

Bungpuk ah kaa meikhu ah mäih ah khu lawk cicu a i ang, tui ng’ui la mura ah ng’ui ci, sumlei ci gui ah ami yoih ah tui ng’ui ang?

SOLOMON NG’Ä~ 1:13

Kei ah ka m’hni cu ka coi ung ang pawm yah ung, muran tui ng’ui cu ng’ui lawk ci nei.

SAM 150:4

K’hting k’bei tum ne ng’laam ne m’tam vä. K’phyung lawi la phiphät tum ne m’tam vä.

1 GHANGPUGHANG GUI 22:39

Ghangpughang Ahab naw abi phung avan, m’vuiha awn a pyan ah mang im la ani naw a cawh phung ah mang gaw gui cu Israel Ghangpughang gui ah a mawng ung ami guk ah kyak ci.

SAM 45:15

Yeikyai ng’häh leh ne ghangpughang ah mang im ah lut ci gui.

SAM 11:7

Bawipa cu düng ne düng ne bi nak cu m’hni ci; Düng ciah chang gui naw ani ah hmai cu hmuk khai gui.