SAM 45:3 - Cho Bible Common Language 2016

³ M’gäi ciah ghangpughang, na khim bah ä; Nang cu bämang ne na hlüngtai ci nei.

SAM 45:3 Referans Kwoze

HEBRU 4:12

Khanpughi ah Thu cu ghing ne hnüntho ne, hmün ne ghaat ciah m’htakhim ah tah ghaat pi ci. Cun ah khim naw, ghin nak la mumcha ah ng’chum nak, khlingthang ah kyum nak ung khüt sei, aat pit pit ci. Acun naw chang ah m’lung ung yaak hlü ngaih-tüh gui cu m’khoi chak ci.

THU PHLAAN 1:16

Ani cu akpat lam ah aisi pachih kawt ne, am gawng ung vangah-vei ghaat ciah khim lut lawk ci. A hmai cu hnüüp lunglai ung hni ng’liing ah mäih ah ng’shü ci.

THU PHLAAN 19:15

Khaw nüng chang päng a heem nak vai ah am gawng ung khim k’ghaat lut lawk ci. Ani naw chang gui cu m’si k’htei pawng awn uk gui khai. Ak hlüngtai pi k’bäih Khanpughi ah m’lungshe nak ah kyak ciah sapyit neen nak ah khui ung sapyit cu neen khai nei.

ISAIAH 49:2

Ani naw ka ng’thu cu khim ah mäih ah ghat sak ci. Amät ah kut awn kei cu na shungvong ci. Ani naw mang ge vai ah ghat ciah m’la ah mäih ah na pyang ci.

SAM 96:6

Bäimang nak la hlüngtai nak naw ani cu k’oi ci; huham la kyom nak naw a Pum im cu k’be ci.

SAM 21:5

A bämang nak cu chün ci, nang ah m’htei nak awn kyak ci; Nang naw ming thang nak la chün nak na pek ci.

THU PHLAAN 19:21

A gakap gui cu ng’se bawk ung ng’cum ciah m’gawng ung lut lawk ciah khim ghaat awn ngawn gui ci gui. Kha gui naw ami sa gui cu ami phü ah ei ci gui.

JUDE 1:25

Jesuh Khrit Bawipa awn na hun k’phyawn gui ciah tumat bäng nak ciah Khanpughi cu cau puyinpamthak ung tüi ne, tuhbäi akhin, ngawi yä hta ng’shon ung, bämang hlüngtai, kuikyang huham ne om sä! Amen.

HEBRU 8:1

Mi pyein nak ah mawng avan ung ak tung pi cu, mik im ung cun ah Taigü Tung a om pyi ah mawng ah kyak ci. Ani cu Khankho Ghangpughang ah Mangkiang k’pat lam ung ngok ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

ROMAN 14:9

A i ah kya sei ci ung Bawi Khrit cu, ghing ci la sik ci gui ah Bawipa ah a kyak nak vai ah sih nak ungka a thawh ba pyi ah hmawk ah kyak ci.

SAM 145:12

Cun ung kyasei m’gäi ciah na bi lawh la bämang chünla ciah na uknak kho cu chang van naw hmat khai nei.

SAM 145:5

Ngami naw na bämang nak la na chünla nak cu pyen khai gui nei, cäicat vai ah na bi lawh gui ung ka m’lung htek khai nei.

SAM 104:1

Ka mümcha, Bawipa cu m’taam ä! O Bawipa, ka Khanpughi, Nang cu na dämduh aih ci nei! Nang cu küikyang nak la bäimang nak na sui awi ci;

LAMKTU 10:36

Israel chang gui am, chang van ah Bawi, Jesuh Khrit ung dimdeeih nak thu k’ni a peit cu nami hmat pyi ci nei.

SUKI GUI 3:16

Ehud naw vang goi-vei ghat ne dawng lawk ciah shim cu pyang ci. Cun cu akpat täng aphei ung sui ah ka ung khit ne tha ci.

JOB 1:16

Ani naw ang thu pyen kä a phleh pha ung, ahei changshäm naw law ne, “Ng’kyeek naw deng sei htome gui la htoshäm gui avan si yawp ci gui nei, Kei bäng phyang ne ng’thu ka ning m’thein lawk ci nei” cik ci.

SAM 21:7

Ghangpughang naw a hlüngtai säih Bawipa ngaih u ci, Bawipa ah ng’täi ciah m’hni nak awn ani cu angtäi sei phyawng khai.

SOLOMON NG’Ä~ 2:3

Kei ah ka m’hni pi cu ahei pami gui awn m’täng ung, bunghmu sing ghing gui ah ng’lung ah htuitui sing awn täng ci nei. Kei cu ani ah ng’hnim ung ka ngaw hlük ci, acun ah m’theih cu ei ung tuui aih ci nei.

SOLOMON NG’Ä~ 5:13

Ani ah ng’being cu tui ng’ui, papai ng’ui gui awn be ciah u-yin ah mäih ah m’hni vai kyak ci. Ani ah m’nei cu muran tui awn ng’shüi ciah tuili chei ah mäih ah kyak ci.