SAM 44:4 - Cho Bible Common Language 2016

⁴ Nang cu ka ghangpughang la ka Khanpughi ah na kyak ci, Nang naw na chang gui-am näng nak na pek ci.

SAM 44:4 Referans Kwoze

SAM 74:12

O Khanpughi, nang cu ak htük ge ung kami ghangpughang ah na kyak ci; Nang naw akda vei na na hun gui ci.

SAM 42:8

Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

MAKUH 9:25

A pei ah chang gui dawng law u sei, Bawipa Jesuh naw hmu gui netah, “Ang ne pang ciah khoshe, tuhbäi ak hmaw ungka lut law ne a hei ah na hteh vai, a i yah ung phi kä na ng’et-en law ba vai, kei naw ka ning k’täm ci nei” cine khoshe cu k’täm ci.

SAM 89:18

O Bawipa, nang naw kami ng’shung nak na na ghü pe gui ci; Nang, Theingcim ciah Israel Khanpughi naw kami ghangpughang na na pe gui ci.

MAKUH 1:41

Bawipa Jesuh naw m’gein netah, a kut awn nüm ne tawk ne, “Kei naw kang yak hlü om ci nei, theek ne gai ä” cik ci.

MAKUH 1:31

Bawipa Jesuh naw a pei ah hteit netah, a kut ung pang ne m’tho ne gai sak sei, cun ah hnumi naw ngami cu khin chah na gui ci.

SAM 149:2

Nami ng’tüibawi ah hmawk ah Israel chang gui yei vä; Nami ghangpughang ah hmawk ah Zion chang gui yei vä;

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

PHYAWN NAK 15:6

Bawipa, na k’pat kut cu huham mah ci, acun naw ga gui cu hnget ne bät sak gui ci.

THULÄÄN NAK 7:8

Cun ung phi Bawipa naw ning m’hni gui ci. Nami pupa gui awn abi ah shaitak cu khän htek sak hlük ci. Cun cu ani naw dämduh ciah am gäi nak awn, a ning hun gui la Egypt ghangpughang ah changshäm ungka a ning m’hlawt gui ah hmawk ah kyak ci.

THULÄÄN NAK 7:19

Nami mik awn nami hmu ah kyih vai ah leigai gui, cäi aih vai gui la cäicat vai gui, Bawipa nami Khanpughi naw a ning m’hlaat nak gui ah däm ciah a huham la ak thagui cu, nami shüm ba vai. Ani naw Egypt chang gui amdi gui ah mäih ah tuhbäi nangmi naw nami kyih gui ah chang gui phi m’di gui khai.

JOSHUA 24:12

Nami ma ge ung ngami cu püpiang sak gui ne, Amorit ghangpughang hnih cu kei naw ka k’täm ci. Nami khim la nami li naw cun ung a i kä bik ci.

SAM 111:6

Ani naw kho hei chang gui ah kho cu ak chang gui am pe ne, a huham cu m’dang ci.