SAM 44:3 - Cho Bible Common Language 2016

³ Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

SAM 44:3 Referans Kwoze

JOSHUA 24:12

Nami ma ge ung ngami cu püpiang sak gui ne, Amorit ghangpughang hnih cu kei naw ka k’täm ci. Nami khim la nami li naw cun ung a i kä bik ci.

2 KORIN 4:7

Cung ung phi Mumcha khawh mi m’küm ciah mikmi cu, m’dek am düt ah mäih mi lawk ci kyasei, mikmi ung uknak ah hlüngtai nak kä om ci, Khanpughi bäng ung vah om ci.

ZEKHARIAH 4:6

Bawipa ungka lawk ciah shin ah ng’thu cu, Zerubbabela am ka pek vai ah khanchang naw na m’thein ci nei. “Nang cu na näng khai, cun cu gakap huham awn ah kä kyak ci, na mät ah thagui awn ah kä kyak ci, kei ah ka mümcha awn ah kyak ci.

SAM 77:15

Jakob la Josef ah hta ng’shon na chang gui cu na huham awn na hun ci.

SAM 20:6

A ghü ah ghangpughang am Bawipa naw näng nak a pek cu tuhbäi kei naw ka hmat ci nei; Ak khankho theing ah om ne, ani cu m’shang ne, a huham awn näng nak küi cu pek ci nei.

THULÄÄN NAK 10:15

Cun ung phi Bawipa naw nami pupa gui, am hni nak cu ghaat aih ci kya ne a hei chang gui ah hnün ung ani naw a ning ghü gui ah kyak ci. Nangmi cu tuh ä ani ah ghü ah chang ah nami kyak ci.

PHYAWN NAK 15:16

Kyih nak la ng’ä nak naw lin gui ci, Bawipa na thagui cu hmuk ci gui nei, ngami cu kyi ne am gein kaa ah ng’düi ci gui. Changshäm ungka na m’hlawt gui ah na chang gui kä ami ng’khum pha ah chuih.

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

SAM 42:5

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

1 SAMUEL 12:22

Bawipa naw thuk ng’kau ciah shaitak bik ci, ani naw kä ning nawng gui khai, ani naw amät ah chang ah ning pyang gui khai ah k’bäi pyi ci.

SAM 74:11

A i ah kyasei keimi na na m’htei gui vai ah na dam ang? A i ah kyasei na kut na hnu ah na thuh ang?

SAM 17:7

Cäicat vai ah na m’hni nak cu m’dang ne, na hun ä; Nang ning yii ne ka gaa gui ungka, ka phyawng ci nei.

SAM 4:6

Taigü ci chang akda om ci: “Hrilham ak dapi na pe gui ä, Bawipa. Na k’dük nak awn na teng gui ä!”

KHEI NAK 14:8

Bawipa cu mikmi ung a yei ah a kyak ung, Ani naw acu ah na hteh püi gui khai nei. Bühmang ne ang lei nik ciah cun ah khaw cu na pe gui khai nei.

ISAIAH 63:12

am pek ciah Bawipa cu a hawi ang? A huham awn, Moses ung ka naw, dämduh ci gui bik ciah Bawipa cu a hawi ang? Ani naw tuinu ng’bou sak ne, thuk ciah tui ung matawn ne a chang gui kan sak gui ci, cemna kya ne, amät naw amät khonglän ung ming thang sak ci nei.” Bawipa ah lam shüm nak awn, ngami cu k’pyase ah ng’leh ah mäih ah htek sei ng’leh u ne kä ng’täng phung ci gui.

SAM 80:16

Kami ga gui naw mei awn m’khih u ne, tupit ci gui ne; Na m’lungshe nak awn teng ne yuk m’di gui ä!

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

2 SAMUEL 7:23

Khomdek khan ung Israel ah mäih a hei pakhui kä om ci, na mät ah chang ah na pyan gui vai ah khleihtein ungka, na gun gui ah kyak ci. Küikyang ci la cäicat vai gui, ngami ah phäh ah na bi gui cu khomdek khan avan ung püi ne gawk ci nei. Na mät ah chang gui vai ah Egypt ungka na m’hlawt ah chang gui ah ma ah, a hei pakhui gui la ami khanpughi gui cu nang naw na k’täm gui pyi ci nei.

2 SHONTÄP NAK 20:7

Nang cu keimi ah Khanpughi ah na kyak ci. Na chang gui Israel gui shin ah khaw ung ami law ba yah ung, shin ung om ciah chang gui cu nang naw na k’täm gui ci, shin ah khaw cu na teihpüi Abraham ah hta ng’shon gui am, ngawi yä ami kaa nak vai ah na pe gui ci.

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

SAM 80:9

Nang naw a thawh vai ah a hmun cu k’sei m’ghan ci sei, a pya thuk ne kho küm ne ng’shun ci.

SAM 111:6

Ani naw kho hei chang gui ah kho cu ak chang gui am pe ne, a huham cu m’dang ci.