SAM 44:22 - Cho Bible Common Language 2016

²² Cun ung phi nang ah m’hnüt nak ung, keimi cu akphlüt ah na ngawn gui ci gui, aat ne kyih vai ah htome ah mäih ah na bi gui ci gui.

SAM 44:22 Referans Kwoze

ROMAN 8:36

Cacim Theing ung; “Bawipa ah Hmawk ah Kei mi cu, ak hnüüp pum ung, sih nak gaa awn kami ng’aut ci nei; Ngawn vai ah ami k’bäi ah htome ah mäih ah, Chang naw kei mi cu na ngai gui ci nei”, ciah om ciah mäih ah kyak ci.

ISAIAH 53:7

“Ani cu shedam na u ne, zawhnem nak ci gui; Cun ung phi ani cu adümah om ci, ng’thu m’khaät phi kä pyen ci. Ami ngawn law vai ah htome hta ah mäih ah, amu ami k’teih law vai ah htome ah mäih ah, ani naw ng’thu m’kha ät phi kä pyen ci.

SAM 44:11

Nang naw ami na kyih gui vai ah htome ah mäih ah na ap gui ne, a kho hei yung ah na na püi pawng sak gui ci,

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

1 KORIN 4:9

Ami ngawn vai ah ami phaa ah gaa cu, phak ci gui chang khli ah ng’nawng nak ung ak hnu bäih ah ami hteh sak gui ah mäih ah, khankho chang la hnicim chang gui naw ami na teng gui vai ah, keimi ang düihpüi gui cu Khanpughi naw ak hnu bäih ah nam düih gui ciah ka ngai ci nei.

1 GHANGPUGHANG GUI 19:10

Ani naw, “Bawipa, M’gäi ciah Khanpughi, kei naw angtäi sei nang ah bii ka bik ci nei — nang bäng ah bi nei ka bi. Cun ung phi Israel chang gui naw nang ung thukhän cu m’shet u ne, na sonkiang phye u ne, na prophet gui avan ngawn ci gui nei. Kei bäng ka k’pawih ba ci — kei phi na ngawn khai gui ah k’tha nak ci gui nei!” cik ci.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.

ATÜNNAK 18:15

Sarah cu kyi law neta kä ka gaih ci nei cine ng’ciing ci. Ani naw, “Akcang ah na gaih ci nei” cine pyen nak ci.

JOSHUA 22:22

“Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

SAM 94:11

A i ami ngaih-tüh cu Bawipa naw hmat ci; ngami ah m’lung ngaih akholä ah akyak cu ani naw hmat ci.

SAM 139:2

Nang naw ka bi phung cu na hmat ci; Kei ah ka ngaih-tüh avan cu a shou nak ah om ne na hmat yawp ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”