SAM 44:2 - Cho Bible Common Language 2016

² Chang hei gui cu na mät naw k’tääm gui ne, na chang gui ah ami kho cu na pyang ci Chang khuihei gui cu m’kyuk gui ne na chang gui cu na bühmang sak gui ci.

SAM 44:2 Referans Kwoze

PHYAWN NAK 15:17

Nang naw akyong ah law püi gui ne na khomhtung ung na geit gui ci. Cu ah hmun cu nang Bawipa naw na im vai ah na ghü ah kyak ci, cun cu na mät naw na cawh ah Taigüim ah kyak ci.

SAM 78:55

Ani naw ami ma ah ana om ci gui cu k’täm gui ne, ami khaw cu Israel pakhui gui-am k’pai gui ne, ami im gui phi ak chang gui am pe gui ci.

2 SAMUEL 7:10

Kei naw ka chang Israel gui ah phäh ah khaw hmun ghü ne, a cu ah ka om sak gui ci, a cu ah ngami cu shedam nak kä om ba sei om khai gui. Ngami shin ah khaw ung ami luh law ung tün ne, ngami cu chang omshe gui naw tu gui ci gui, cun ung phi cun ah mäih kä om ba khai. Na ga avan ung ning gung ne, na hta ng’shon vai ka ning pek khai cine, kei naw shai ka tak ci.

JOSHUA 21:43

Cun ah kyasei Bawipa naw Israel gui am khaw avan pe gui ci, cun cu ani naw a pek gui vai ah ami pupa gui am aküikyang ah ashaitak ah kyak ci. Ngami naw cun ah ami kaa nak awn ah acun ung ng’lei leh ne om ci gui.

JOSHUA 11:23

Joshua naw khaw avan khäm ci, cun cu Bawipa naw Moses am a thumkhän ah kyak ci. Joshua naw Israel gui am ami kaa nak vai ah pe gui ne, tän ne k’bou gui ci, khui ät naw bung ät ci gah ci gui. Cun ah kia ne chang gui cu ng’tuk nak ungka ng’düm ci gui.

SAM 105:44

Ani naw chang khuihei gui ah khaw cu ngami am pe gui ne, ami kho hmun phi lak sak gui ci,

JOSHUA 24:12

Nami ma ge ung ngami cu püpiang sak gui ne, Amorit ghangpughang hnih cu kei naw ka k’täm ci. Nami khim la nami li naw cun ung a i kä bik ci.

JOSHUA 10:42

Joshua naw hnü ät ng’tuk lam awn ghangpughang gui avan la ami khawpäng gui cu khäm yawp ci, a i ah kyasei ci ung Bawipa Israel Khanpughi naw Israel gui ah phäh ah ng’tuk a näng ah kyak ci.

JOSHUA 10:11

Amorit gui cu Israel gakap gui phlän ne dawng u sei, Azekah ah ami dawng nak ah lam pum ung Bawipa naw gäilung nu gui awn yuk chah shi gui ci. Akda pi cu Israel gui ah ngawn gui ah ta, gäilung ah ngawn gui ah kyak ci.

JOSHUA 3:10

Nangmi nami gawk law ah a kyak ung ani naw, Kanaanit gui, Hittit gui, Hivit gui, Perizzit gui, Kirkashit gui, Amorit gui la Jebisit gui cu k’täm gui khai. Ghing ciah Khanpughi nami ng’lung ah om ci, cicu nami hmat klawk khai.

THULÄÄN NAK 7:1

Bawipa nami Khanpughi naw tuhbäi nami khäm law vai ah khaw ung, ning hteh püi gui khai. Ani naw cun ah khaw ungka pakhui akda k’täm gui khai. Nangmi nami gawk ah a kyak ung nangmi ah ta ng’ghaw pi ne huham mah pi ciah pakhui chih cu ani naw k’täm khai. Cun gui cu Hittit gui, Kirkashit gui, Amorit gui, Kanaanit gui, Perizzit gui, Hivit gui, la Jebusit gui ah kyak ci.

KHEI NAK 13:32

Cun ah kyasei ngami naw ami däät ah khaw ah a mawng cu Israel chang gui ah ma ah hleei ne pyen ba ci gui. Ngami naw, “A cu ah om ciah chang gui ah ei awk büh vai ah acun ah khaw naw kä m’thawk sak ci nei. Kami hmuh ah chang gui phung ng’ghaw shäi ci gui nei.

PHYAWN NAK 34:11

Tuhngawi kei naw ka ning pek ah thukhän cu na läk vai, Amorit gui, Kanaanit gui, Hittit gui, Perizzit gui, Hivit gui la Jebusit gui cu nang ah ma ah ka k’täm gui khai nei.

PHYAWN NAK 23:28

Na ga gui cu cäiktat nak awn ka güüt gui khai. Hivit gui, Kanaanit gui, Hittit gui cu na ma ung ka k’täm gui khai.

PHYAWN NAK 15:19

Israel gui naw m’dek ung hteit ne tuinu kaan ci gui. Cun ung phi Egypt yatha gui cu ng’se gui la ng’cum ci gui awn tuinu ung ami law yah ung, Bawipa naw tuinu chah ba sei k’biing gui yawp ci.

PHYAWN NAK 10:2

kei naw cäi aih vai ka bi sang ung Egypt chang gui a i hlawk ah ka gu ang sak gui cu nami hta gui la nami tu gui am nami m’thein gui vai ah hmawk ah kyak ci. Nangmi nami van naw kei Bawipa ah ka kyak cu nami hmat khai nei” cine pyen nak ci.

THULÄÄN NAK 4:38

Nangmi nami ma ah, ani naw nangmi ah mä dämduh pi ne, huham mah pi ciah pakhui gui cu k’täm ci. Cun ah kya ne shin ah khaw ung ning law püi gui ne, ngami ah khaw cu ning pe gui ci. Cun ah khaw cu tuhbäi nangmi naw nami khäm ah kyak ci.

THULÄÄN NAK 32:7

“Ayanä kaa, cau ng’pyi ciah akhin cu ngai ba, A i ah kya man ci ami ning m’thein gui vai ah, nami pa gui ng’shi gui vä.

SUKI GUI 6:13

Kideon naw pyen tu ba ne, “Bawi aw, ka ning shi hlük ci nei, Bawipa naw na om püi gui ciah a kyak ung a i ah kyasei, shin ah akshe gui avan keimi ah khan ah a gawk law ang? Egypt khaw ah ka a law püi ba gui yah ung Bawipa naw a bi gui ah cäicat gui nai avan kami pa gui naw ami nam thein gui cu a i hawk cha ang? Bawipa naw na nawng gui ne, na hteh ta gui ne Midian gui am na ap gui ci nei” cik ci.

2 SAMUEL 23:12

Cun ung phi Shammah cu khüi ne loma ah ng’düi ne, shung gui ne, Philistin gui cu ngawn gui ci. Cu hnüüp ung Bawipa naw näng nak akdäm bik ci.

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

JEREMIAH 32:23

Cun ung phi ngami shin ah khaw ung law ba u ne, shin ami kaa hak awn ah ngami naw nang ah thumichän kä ngai ci gui, na m’theithang ah mäih ah kä om ci gui; nang naw ami bi vai na pyen cu ngami naw kä bik ci gui. Cun ah kyasei ngami ah khan ah shin ah m’dishum nak avan cu na law püi ah kyak ci.