SAM 44:19 - Cho Bible Common Language 2016

¹⁹ Cun ung phi nang naw sa hnget ah ng’lung ah am gein ka ah na na nawng gui ci; a hmüp nak pi bäih ung phi na na nawng gui ci.

SAM 44:19 Referans Kwoze

SAM 23:4

Sih nak ah khomü ung ka gawk law ung phi, kä ka kyik khai nei, Nang, Bawipa naw na om püi ne, Nang shopawng la nak htei pawng awn na shungvong ci nei.

JOB 3:5

Cun ah hnüüp cu ng’ziin ne mü nu sä; Cun ah hnüüp cu ng’mei naw shung sä, khohni kä so en sä.

JEREMIAH 14:17

Ka azä nak ah mawng chang gui am ka m’thein gui vai ah Bawipa naw na ng’thum khan ci: “Amü a hnüüp ka mi kung ng’phli tui long sä, ka thüi kyah nak cu kä ng’düm phung sä. Cun cu ka chang gui ak nui ah leim ne, ana ah ami m’neh ah phäh ah kyak ci nei.

SAM 51:8

Yeikyai nak la lünlawi nak ah k’aw cu na ng’yak sak ä; cun ung hnget ne khui khai ah na bi ah ka m’lung cu, yeikyai ba khai nei.

THU PHLAAN 16:10

Akhmaa nak ah khankho chang naw a eikbei ungka cu khiküi ah mangkiaang ah khan ah yuk huk khätah, khiküi ah uknak khaw avan cu mü ne hmüp yawp ne, cun ung om ciah chang gui cu geinvai u ne, ami haa htui ne kawp yawp ci gui.

THU PHLAAN 13:2

A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

MATTHE 4:16

Ak hmüp nak ung om ciah chang gui naw, akdei khang hmu lawk khai gui; Sih nak ah khomü ung om ciah chang gui ah khan ah, Akdei khang cu gawk lawk khai nei,” cine pyein ci.

EZEKIEL 29:3

Na pyen vai, shin cu uktu Bawipa naw Egypt ghangpughang am a pyen nak nei: Kei cu nangmi ah na ga nei, nangmi tuinu ung ng’zän ciah k’phyu k’saam gui. Nang naw Nile tuinu cu nang ah kaa, nang ah pyan ah na pyen ci.

ISAIAH 35:7

mei ah ui ciah salai cu tui ah li khai, ket ne chawng ciah khaw cu tuihta gui awn be khai. Sa ui gui ah om nak man ung m’long kyai gui phung ghing khai.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

SAM 38:8

Kei cu gho ne ka dawih ci nei; ka m’lung cu cümbawng sei, kam neh m’awh ci nei.

JOB 30:29

Kei ah ka k’aw cu sa ui kä cun ung khanu ah m’lau ah mäih ah m’lau ne, apaw chang kä om ciah k’aw ah kyak ci nei.

JOB 23:11

Ani naw a ghü ah lam cu kei bekhüt ne ka läk ci, ang leng täng ah kä ka ple phung ci.