SAM 44:10 - Cho Bible Common Language 2016

¹⁰ Kami gaa gui dawng taak vai ah na ci gui ci sei, Ngami naw kami ka gui cu la yawp ci gui nei.

SAM 44:10 Referans Kwoze

JOSHUA 7:8

A i ka pyen ba hning khai aw? O Bawipa, tuhbäi Israel gui cu, ga tuk nak ung ng’hlat law pyi ci gui nei.

TAIGÜTHUM 26:17

Kei naw ng’hlat ne ka ning hnungtuk püi gui khai, cun ung ning hnim gui khai gui, nangmi ning thüi na gui ci naw ning uk gui khai, nangmi cu nami kyikyawk aih khai, a u naw kä a ning gawt gui ung phi nami dawng khai.

SAM 89:41

Cun pah ciah chang phung naw a khawh cu m’guuk pek ci gui; a im ng’phei van naw gaih tuk ci gui.

JOSHUA 7:12

Acun cu Israel gui naw ga näng ne kä ami düih nak hlawt ah kyak ci. Ngami naw ga ng’hlah tak ci gui, a i ah kyasei ci ung ami mät cu dishum nak ah phyumtam nak gah pyi ci gui nei. Kä nami lak vai cine thukbäi ung phi nami lak gui cu kä nami m’di pha ah chuih, nangmi awn a täng ah kei cu kä ka om ba khai nei!

THULÄÄN NAK 28:25

“Bawipa naw nami ga gui am nangmi ah khan ah näng nak pe gui khai. Nangmi naw lam tumat ung hteit ne nami tu gui khai, cun ung phi ngami ungka lam avan ung nami dawng khai. Nangmi ah khan ah cun ah a kyak law gui cu, khomdek khan ah chang avan naw hmu u neta cäicat khai gui.

JEREMIAH 20:8

Kei cu ka ng’thu law phung ung kyap ne “m’ghämce nak! Dishum nak!” cine ka m’lau ci nei. Bawipa, nang ah ng’thu ka ng’shäu ah phäh ah kei cu akphlüt sei, na päipih, na shedam nak ci gui nei.

JEREMIAH 15:13

Bawipa naw na pyen nak ci, “ka chang gui ah khawh them gui la khawh cham gui hteh püi khai gui ah kei naw ga gui ka tüi lawk khai. Cun cu kho avan ung ngami naw katnak ami ah phäh ah m’kyuk nak gui ah kyak ci.

ISAIAH 10:14

Chang pakhui gui ah khaw cu kha gui ah ng’bu ah mäih ah kyak ci. Kei naw kha m’tui ka mäih ah ngami ah khawh cu a yäi hta ah ka lak ci nei. Ai ng’phia naw phi hnün ne kä na m’kyih ci, a i m’gawng naw phi aang ne kä na m’kyih ci.

ISAIAH 10:6

Kei naw Assiria gui cu, Khanpughi ka om ciah pakhui, kei na m’lungshe sak ciah chang gui tu gui khai ah ka tüi gui ci nei. Kei naw ngami ah ka tüih gui cu guttep ne, m’gu ne, lam ung m’vut ah mäih ah chang gui kai na gui khai ah kyak ci nei.”

1 SAMUEL 4:17

Thu pyen lawk ciah chang naw, “Israel gui cu Philistin gui kyih ne dawng yawp ci gui; cun cu keimi ah phäh ah kyih aih vai kyak ci nei! Cun kawn ah na hta goi Hophni la Phinehas cu ngawn ci gui, Khanpughi ah Thukhän M’küm phi na gut gui ci gui!” cik ci.

TAIGÜTHUM 26:14

Bawipa naw, “Kei ah ka thumkhän kä nami läk ah a kyak ung, m’kyuk nak nami gah khai.

KHEI NAK 14:42

Kä hteit vä, Bawipa cu nangmi awn a täng ah kä om ci, nami ga gui naw ning hnim gui khai gui nei.

KHEI NAK 14:43

Amalek gui la Kanaan chang gui awn nami ng’hmuh law ung nangmi cu ng’tuk nak ung nami sik khai. Bawipa naw kä ning om püi gui khai. A i ah kyasei ci ung nangmi naw ani läk vai ah nami mak ci.”

THULÄÄN NAK 31:17

Cun ah a kyak law ung ngami ah khan ah kei cu ka m’lung she khai; kei naw ka nawng gui khai, ngami cu dishum khai gui. Kyih vai ah leigai akda ami khan ah gawk lawk khai, cun kawn ah ngami naw hmat lawk khai gui, shin gui ngami ah khan ah a kyak law cu, kei, ami na Khanpughi naw kä ka om püi ba gui ah hmawk ah kyak ci, ciah hmat khai gui.

SAM 60:12

Khanpughi cu mikmi lam ah om sei, mikmi mi ng’näng khai, ani naw mi gaa gui cu m’di gui khai.

SAM 89:39

Nang naw na changshäm awn na thumkhän cu gäi ne, ani ah lukhu cu m’vut ung na chak pek ci nei.

SAM 89:43

Nang naw ami li khim cu du sak gui ne, ng’tuk nak ung na shum sak gui ci.