SAM 43:3 - Cho Bible Common Language 2016

³ Na k’dei la na düng nak cu yuk chah law ä; A cun gui naw na khomhtung theing Zion la na om nak ah Taigüim cu na m’shüm ne, na hteh püi ba khai gui nei.

SAM 43:3 Referans Kwoze

SAM 36:9

Nang cu ghin nak avan ah ang yung ah na kyak ci, nang ah akdei ung keimi naw akdei kami hmuk ci.

JOHAN 1:4

Ani ah kä tüisho a i phi kä om ci. Thu ung ghinnak om ci. Ghinnak cu chang gui ah akdei ah kya ci.

SAM 143:10

Nang cu ka ning Khanpughi nei; na ng’yak hlü bi vai ah na m’htei ä. Kei ung ni ne, phyawn nak ah lam cu na m’shüm ä.

SAM 119:105

Na thu cu na shü ciah mei im ah kya ne, ka lam ung akdei ah kyak ci.

SAM 97:11

Düng ciah khan ah akdei cu ng’shü ne, nik ciah khan ah yeikyai nak om ci.

SAM 84:1

M’gäi ciah Bawipa, na Pum Im cu i hlawk ka m’hni ci ang!

SAM 40:11

Bawipa, na na chimgein nak cu kä ng’düm khai ah ka hmat ci nei. Na m’hni nak la na düng nak naw angtäi sei, na phyawn khai nei.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

MIKHAH 7:20

Cau kami pupa gui ung na shaitak ah na bekhüt nak la na m’hni nak cu Abraham la Jakob ah hta ng’shon, na chang gui am na m’dang khai nei.

SAM 57:3

Ani naw khan kho ah ka naw na m’shang ne, na hun khai; kei na m’di hlük ci gui cu hnim gui khai. Khanpughi naw ng’täi ciah am hni nak la a bekhüt nak cu na m’hnun khai.

SAM 3:4

Kei naw Bawipa cu ana m’htei vai ah ka khü ci, Ani naw a khomhtung theing ung om ne na m’shang ci.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

SAM 78:68

A cun ah hnün ung ani naw am hni pi ah Judah pakhui la Zion m’htung cu ghü ci.

SAM 46:4

Tuinu tumat om ba ci, Cun ah tuinu naw Khanpughi ah mang gaw, a hlüngtai säih ah im theing ung yeikyai nak law püi ci.

SAM 42:4

Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

SAM 2:6

Ani naw, “Zion, ka khomhtung theing khan ah, kei naw ka ghangpughang cu ka m’düih ci nei” cik ci.

1 SHONTÄP NAK 16:1

Ngami naw Thukhän M’küm cu David naw a cawh ah phung ah akyong ah tha ci gui. Cun kawn ah khawihnah nak la khawtsheng douthak nak cu Khanpughi am douthak ci gui.

1 SHONTÄP NAK 16:39

Taigü Zadok la ak taigü paw gui cu Kibeon khawihnah nak ah hmun ung tängpang ci gui ah kyak ci.

2 SAMUEL 15:20

Nang mi shin ung a shäng va nami om tuk khai, cun ah kyasei, a i vai kei naw, kei awn a täng ah nami ng’vak shüi khai ah ka ning ci gui vai ang? Kei a hawi ka hteh vai cu ka mät naw phi kä ka hmat ci. Hteit ba ne, nami khaw-chang gui cu hteh püi ba gui vä — Bawipa naw ning m’gein gui ne nangmi ung bekhüt sä” cik ci.

1 SHONTÄP NAK 21:29

Bungpuk ah Moses naw a cawh ah Bawipa ah om nak ah phung la khawihnah nak m’khih nak ah sonkiang cu Kibeon gawnu ah khawihnah nak ah hmun ung tuh ä om ci;

2 SAMUEL 15:25

Ghangpughang naw Zadok am, “Thukhän M’küm cu la ne mang gaw ah hteh püi ba vä, Bawipa naw ana yei nak ah akiak ung hnüüp ät ung na law ba sak khai, a om nak ah hmun ung ka hmu ba khai.

SAM 57:4

Kei cu chang ei ciah kawng gui ah mäih ah kyak ciah gaa gui naw nak khai ci gui. Ami ha gui cu k’htei la m’la ah mäih ah kyak ci, ami m’lei gui cu chim ah mäih ah ghaat ci.