SAM 43:1 - Cho Bible Common Language 2016

¹ O Khanpughi, akni ah na dang sak ä, Khanpughi kä yum cicu hnu ng’tuk püi ne, kei ah mawng cu na shung ä. Hleeihlak ciah changshe gui ung nak phyawn ä.

SAM 43:1 Referans Kwoze

SAM 35:1

O Bawipa, na hnu ng’tuk püi ci gui cu, hnu ng’tuk püi ä, Na ng’tuk püi ci gui cu ng’tuk püi gui ä!

SAM 26:1

O Bawipa, kei cu düng ci bi ne, nang ung akbe ah ka ng’ap ci kyasei, Kei täng ah na bi lawh vai nei.

SAM 7:8

Nang cu hniciim chang avan ah suki ah na kyak ci. Kei täng ah m’choi cha ä, Bawipa; Kei ah düng cu nang naw hmat ci nei.

SAM 35:24

O Bawipa, nang cu na düng ci nei, cun ah kyasei changni ah na pyang ä, ka ga gui naw kei cu kä na gaih m’gin u sä.

1 SAMUEL 24:15

Bawipa naw m’khoi m’chak khai, a u chang mi hma ciah ani naw m’hnüt bäi khai. Ani naw a mawng cu teng khai, nang ah kut ung kei na shungvong ne, na hun ci,” cik ci.

SAM 71:4

Ka Khanpughi, changshe gui ung na gung ä, ami cheishoh nak ah huham ung na gung ä.

SAM 5:6

Hleei cicu na m’di ci, Chang ngawn ci la thuvi cicu na päipih ci.

MIKHAH 7:9

Bawipa hnu na ne mi cheishoh ci, cun ah kyasei am lungshe nak ung a shäng mi yai khai. Cun ung ak hnu ah ani naw na shungvong gui ne, hma cicu hman sak khai, cun cu mikmi ah khan ah ami bi ah kyak ci. Ani naw akdei ung na hteh püi gui sei, mikmi ghing ne ana hun nak gui cu mi hmuk khai.

1 PETER 2:23

Shedam nak ci phi kä shedam na tu ba ci, a geinvai yah ung phi, a u kä ng’vanglaak na ne, düng sei m’khoichak ciah Khanpughi ung, ang ngaih u nak cu ap ci.

1 KORIN 4:4

Kei ah kam lung kyong cu theingcim ci, cun cu kei ung kat nak kä om ciah ka pyein na kä kyak ci. Kei nam khoichak ci cu Bawi tumat bäng ah kyak ci.

NG'THU K'THUUK~ 23:11

Bawipa cu huham mah ciah ami ng’shung nak ah kyak ci. Ani naw ngami ah mawng ung ning hnungtuk päi gui ne, ng’thu pyen khai.

NG'THU K'THUUK~ 22:23

Bawipa naw ngami ah mawng ma cu pyen pe gui khai. Ngami m’kyihkyawk gui ciah ghin nak cu m’kyihkyawk khai.

SAM 75:7

Khanpughi amät cu m’kho m’chak ciah kyak ci, amshah cu m’kyuk ne amshah cu m’hlawt ci.

2 SAMUEL 16:20

Cun kawn ah Absalom naw Ahithophela täng ah ng’hlat neta, “Tuhbäi shin ung mi om pyi ci, a i kami bi vai ah na na m’shüm thein gui khai ang?” cik ci.

2 SAMUEL 15:31

Ahithophela cu Absalom ah küknet nak ung ng’dawn tuk ci nei, cine David am m’thein u khäta, ani cu taigü ne, “Na bä ni, Bawipa, Ahithophela ah m’shüm thein nak gui cu a khawlä ah kyak sak ä” cik ci.

2 SAMUEL 18:8

Ami ng’tuk nak cu khawbung avan ung gawk sei, bung hmu ah sik ci cu, ng’tuk nak ung sik ciah ta däm pi ci.

SAM 7:7

Cun ah kyasei, chang van naw ning k’buikhai gui ah ng’bum sak gui ne, a khan ah om ne yuk uk gui ä.

SAM 7:9

Nang cu düng ciah Khanpughi ah na kyak ci, Kami ngaih-tüh la kami ng’yak hlü cu na m’choi chak ci. Changshe gui ah shetkat nak cu ng’pyi sak ne Changni gui cu m’shumphyuk gui ä.

SAM 54:3

Chang ah ng’shei ci gui naw na tu law u ne, nget ngawng ci gui naw na ngawn hlük ci gui nei. Ngami cu Khanpughi a i ah kä ngai ci gui nei.

SAM 140:5

Chang m’thüi gui naw kei am m’hling na ban ci gui; Ngami naw cuun cuung u ne, lam ah ng’län ung ami na pha nak vai m’hling bang ci gui.