SAM 42:8 - Cho Bible Common Language 2016

⁸ Bawipa naw kho hnüüp yah ung ng’täi ciah am hni nak cu m’dang khai nei, Cun ah kyasei kei naw mü ah ng’äi ka m’cu khai, ka ghin nak ah Khanpughi ah ka taigü khai.

SAM 42:8 Referans Kwoze

SAM 149:5

Khanpughi ah chang gui cu ami näng nak ung yeikyai u sä, mü pum yei ne ng’äi m’cu u sä.

SAM 63:6

Ih phak ung ka ng’zän ung phi ka ning shüm ci; am than pum ka ning ngaih-tüh ci,

SAM 16:7

Bawipa cu ka m’hlüngtai ci, lam a nam shüm ah hmawk ah, mü ah phi ka m’lung naw kei cu na m’thein ci.

JOB 35:10

Cun ung phi tüi pyang gui ciah Khanpughi, ak hmüp nak ung ami om yah ung ngaih u nak pe gui ciah kä ng’hlat law ba ci gui.

THULÄÄN NAK 28:8

“Bawipa nami Khanpughi naw nami bilawh gui cu hriham pe ne, nami htang pan gui cu htang awn be sak khai. Ani naw a ning pek gui ah khaw ung hriham ning pe gui khai.

SAM 133:3

Cun cu Hermon m’htung la Zion kho gui ah khan lawk ciah khui toi ah mäih ah kyak ci nei. Cun ah kho cu Bawipa naw a shaitak awn hriham a pek ah — cun ung ghin nak kä ng’pyi ci.

KOLOSE 3:3

Nangmi nami sih ung nami hnun gui cu Bawi Khrit awn Khanpughi ung ng’thup ciah kyak ci.

LAMKTU 16:25

Khomü cawih ah Paul la Silas cu taigü ni ne, Khanpughi m’hlüngtai ne ng’äi m’cu ni sei, a hei thawng kyum gui cun naw ngai tuk ci gui.

MATTHE 8:8

Gabawi naw, “Nang cu kei awn kä ni khin ciah kyak sei, ka im kyong ah na law vai ah kä khin pang ci nei, m’khüt näng nak thu bäng na pyein ung ka chang cu gai ba khai nei.

SAM 44:4

Nang cu ka ghangpughang la ka Khanpughi ah na kyak ci, Nang naw na chang gui-am näng nak na pek ci.

ISAIAH 30:29

Cunung phi nangmi khanpughi ah chang gui cu yeikyai u ne, thingcim ciah pawi mü ung nami ng’äi ah mäih ah ng’äi nami m’cu khai. Israel gui shungvong gui ciah Bawipa ah Taigü un ah amihteh nak lam ung, puläi tum nak ung hteit ci gui ah mäih ah nangmi cu yei kiai nak om khai.

SAM 77:6

Ak thuuk ah ngaih-tüh ne, khomü ka ng’pyi sak ci; Tüüp ne ngai neta, shicha ah ka mät cu ka ng’shik ci:

SAM 57:3

Ani naw khan kho ah ka naw na m’shang ne, na hun khai; kei na m’di hlük ci gui cu hnim gui khai. Khanpughi naw ng’täi ciah am hni nak la a bekhüt nak cu na m’hnun khai.

SAM 27:1

Bawipa cu kei ah kak dei la kei na hun ciah kyak ci; a i phi kä ka kyih khai. Bawipa naw kyihshe nak phung ung na shung vong ci, kei a i phi kä ka kyih phung khai.

SAM 32:7

Nang cu ka ng’thuh nak ah na kyak ci; Nang naw khüikhai nak ung na na hun khai; Na hun nak ah mawng m’lau ne ng’äi ka m’cu khai, cun cu na na shungvong ah hmawk ah kyak ci.

TAIGÜTHUM 25:21

Bawipa naw khaw cu a kum chuk kum hrilham k’be khai, cun ah kyasei a cun ah khaw naw kum goi ung ei vai m’thawk sak khai.

2 SAMUEL 22:5

Sih nak tui hnawk naw avan ung na kyung ci; Dishum nak tui hnawk ka khan ah long ci nei.

SAM 88:8

Ka teihpüi gui naw ami na nawng vai ah nang naw na bik ci nei; Ngami ka m’shemshai gui vai ah na bik ci nei kei cu na khai shi u sei kä ka lut law ba hlawt ci nei:

SAM 124:4

Tui k’hlaw naw na hteh gui ne, Tui naw na lin gui khai nei.

JONAH 2:4

Kei cu na ma ungka na na k’täm ciah ka ngai ci nei na Taigü im theing cu kä ka hmu tuba hlawt khai ah ka ngai ci nei.