SAM 42:5 - Cho Bible Common Language 2016

⁵ A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

SAM 42:5 Referans Kwoze

SAM 37:7

Hnim gei vai, Bawipa ah hnün thoh cu ging vä; khawh gah thei ciah chang ah hmawk la akshe bi ne näng nak gah ciah hmawk ah kä ng’ä ng’ai vä.

SAM 61:2

Ngaih u maih ne, im sho sei, ka ning khü ci nei. Phyawn nak ah lung ung na hteh püi ä.

MATTHE 1:23

Cun ah ng’Thu cu; “Ng’Lamihta cu käü mah ne, Pamihta ah hta lawk khai. Ani cu Immanuel ah ang ming sui khai gui. (Immanuel ci cu mik awn atang ah om ciah Khanpughi ah kyak ci.)

SAM 56:3

O hlüngtai ci Bawipa, kei ka kyih yah ung nang ka ning ngaih u ci nei.

SAM 43:5

A i ah kyasei kei ka thüi aih ang? A i ah kyasei kei ka khüikha aih ang? Khanpughi ka ngaih u khai nei, Ka Hunbawi la ka Khanpughi cu ka m’taam ba mä khai nei.

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

1 SAMUEL 30:6

David cu khüikha nak akdäm ung gawk ci, a i ah kyasei ci ung, a chang gui ami van u ami hmaw gui a maih ah phäh a thüi aih ci gui, ani cu lung awn vawih vai ah k’bäi ah k’bäi ci gui; cun ung phi Bawipa a Khanpughi naw k’thamah nak pek ci.

KHEI NAK 6:26

Bawipa naw hmai kyang ne ning teng gui ne, dimdeeih nak ning pe gui sä.

JOB 13:15

Ka ngaih u nak avan maih pii ci, Khanpughi naw ana ngawn ung a i ah kyak khai aw? Kei naw ka mawng cu ani am ka m’thein khai nei.

SAM 71:14

Nang cu angtäi sei ka ning ngaih u kheng geng khai, ka ning m’taam law pi pi khai.

SAM 56:11

Ani ka ngaih u ci, kei cu kä ka kyik khai. Hniciim chang naw kei cu, a i ah na ci hlawt khai aw?

ISAIAH 50:10

Bawipa m’tamkhah ci gui, a changshäm ah ng’thu läk ci gui avan, nami hteh nak ah lam cu akcang ah hmüp khai nei. Cun ung phi Bawipa ung ng’ap vä, khanpughi ung khäng hteh vä.

SAM 77:3

Khanpughi ka ngaih-tüh ung ka häi ci, Tüüp ne ka ngaih ung ka tha ken ci.

SAM 44:3

Na chang gui naw ami mät ah chim awn cun ah kho cu kä näng hlawt ci gui; Ami mät ah huham la k’thagui la na om ah mawng ang kheing sak nak awn, acun naw na m’hni nak gui cu dang sak ci.

MATTHE 28:20

Kei naw nangmi-am ka ning peit gui ah thukhän phung cu ami läk vai ah, m’theithang gui vä. Kei naw kho a khüt güt ung nangmi cu angtäi ah ka ning om püi gui khai nei,” cine m’cäi gui ci.

SAM 35:14

Ngami cu teihpüi, phäi nau ah mäih ah ka taigü pe gui ci. Anu khaih na ne, omdam ciah mäih ah ng’bawk ne, omdam ne ka om ci.

MATTHE 26:38

“Kei cu ka sih awn täng sei kam lung thüisei ci, nangmi cu kei awn a täng ah shin ung om vä,” cine ang düihpüi chang sing thum-am kyak na gui ci.

SAM 38:6

Kei cu ng’khun ne, khem ne, sui she sui ne ak hnüüp pum ka om ci nei.

ISAIAH 30:29

Cunung phi nangmi khanpughi ah chang gui cu yeikyai u ne, thingcim ciah pawi mü ung nami ng’äi ah mäih ah ng’äi nami m’cu khai. Israel gui shungvong gui ciah Bawipa ah Taigü un ah amihteh nak lam ung, puläi tum nak ung hteit ci gui ah mäih ah nangmi cu yei kiai nak om khai.