SAM 42:4 - Cho Bible Common Language 2016

⁴ Yan ä ka gui ka shüm ba ung ka m’lung so ci nei, Kei cu chang hli awn atäng ah Khanpughi ah im ah ka hteh yah ung, ami m’hni ah hteh sak gui yeikyai ciah chang hli naw ng’äi m’cu ne, m’lau ne, Khanpughi m’tam ci gui nei.

SAM 42:4 Referans Kwoze

ISAIAH 30:29

Cunung phi nangmi khanpughi ah chang gui cu yeikyai u ne, thingcim ciah pawi mü ung nami ng’äi ah mäih ah ng’äi nami m’cu khai. Israel gui shungvong gui ciah Bawipa ah Taigü un ah amihteh nak lam ung, puläi tum nak ung hteit ci gui ah mäih ah nangmi cu yei kiai nak om khai.

SAM 122:1

Ngami naw, “Bawipa ah im ah mi hteit khai nei” ami ci ung, kei ka yei ci.

SAM 62:8

Ka chang gui, ang täi sei, Khanpughi ngaih u vä. Nami khüikha nak avan m’thein vä, Ani cu mi ng’yii nak ah kyak ci.

NAHUM 1:15

Teng vä, ng’shä chang cu khomhtung khanah ng’thuni awn law pyi ci nei! Judah chang gui mang yu sa ne, khanpughi am bä ciah nami shaitaak cu pe vä! Changshe gui naw nami khaw kä plawh ba khai gui. Ngami ami van cu di maih pyi ci gui nei!

SAM 100:4

M’hlüngtai nak awn a Pum im kawt ung lut vä; m’taam khah nak awn amang pang k’um ah hteit vä. Ani cu m’hlüngtai ne m’taam khah vä.

SAM 55:14

Mikmi cu kä m’zih thuh ne ng’thu htau ne, pum im ung atäng ah hteit ne mi khawihnah ciah kyak ci.

LUKA 16:25

Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

NG’ÄI KYAH 2:19

Amü pum pum, tho law ba ba ne, Bawipa ah ma ah kyap ci gui. Nami m’lung kyong gäsei u ne, nami htau nau gui ah khan ah chimgein gui vai ah ng’hui ng’pa vä. A hmaw hta gui cu lam ng’kit päng ung ei cawi ne si vai ci gui nei.

JOB 29:2

Khanpughi naw ana tengken man yah ah mäih ah a kyak ba vai ah ka ng’ya hlük ci.

2 SHONTÄP NAK 7:10

cun kawn ah a cha chih nak ah hnüüp m’ku lei thum hnüüp ung Solomon naw chang gui cu ami im ah tüi ba gui ci. Israel chang gui ni, David la Solomon ni am Bawipa naw a pek gui ah hriham avan ah phäh ah ngami cu yeikyai ci gui.

RUT 1:21

Shin ung ka, ka hteh sang ung khawh da sei ka hteit te ci, Cun ung phi Bawipa naw a ghawng ah na law püi ba ci nei. A i ah kyasei Naomi ah nami na khü ang? Kei cu hlüng Tai ciah Bawipa naw nam kyuk ne, khüi kha nak ung Na tüi ci nei,” cik ci.

THULÄÄN NAK 16:11

Bawipa ah ma ah yeikyai vä, nami hta gui, nami changshäm gui la Levit chang gui, a khaw hei chang gui, hmei hta gui, hmeinu gui, nami gawnu ung om ci gui a täng ah yei vä. Cun cu khawihnah nak hmun tumat ung bi vä.

NG’ÄI KYAH 4:1

Keimi ah pyü ciah ghui cu siim ci nei; Taigüim ung lung gui cu lam gui ung ng’yaih ne ng’yän ci gui nei.

2 GHANGPUGHANG GUI 18:30

Bawipa ngaih u vai ah ani ah tüphlawh nak cu kä nami ngaih vai. Bawipa naw ning hun gui khai ah kä nami ngaih vai, nami mang gaw tuk vai ah lawk ciah Assirian gakap cu ani naw ng’düm sak hlawt khai ah kä nami ngaih vai.

2 GHANGPUGHANG GUI 18:32

Uktubawi nami mät ah khaw ah mäih ah khaw, sapyit gui ah om nak, m’htut vai püm gui ah om nak; oliv ah om nak khaw, oliv-tui ah om nak, khoitui ah om nak ung ning om sak gui khai. Nang naw ani ah thumkhän ah mäih ah na bi ah a kyak ung, nang cu kä na sik khai, na ghing khai. Bawipa naw na ghung gui khai ci nei, Hezekiah naw a ning m’hleei gui cu kä nami ngaih en vai nei.

SAM 79:10

A i ah kyasei changpakhui gui naw, “Nami Khanpughi a hawi ang?” cine ami na ng’shi gui ang. Na changshäm gui ah si ami huk ah phäh ah changpakhui gui na m’kyuk gui cu, na hmuh sak gui ä.

SAM 80:6

Nang naw kami pei leng ah pakhui gui cu, kami kho ami tuk vai la kami ga gui naw ami na shedam nak gui vai ah na m’shüm gui ci.

SAM 115:2

A i ah kyasei chang pakhui gui naw, “Nami Khanpughi a hawi ang?” cine ami na ng’shi gui ang?

SAM 122:8

Ka mätyah gui la ka teihpüi gui ah hmawk ah, kei naw Jerusalem-am “Nang ung dimdeeih nak om sä” ka cik ci.

EZEKIEL 46:10

Manghta cu chang gui ami luh law ung lut law ne, ami hteh ba ung hteit tuba khai.

JOEL 2:17

Taigü gui naw Bawipa ah bii bi u sä sonkyang la Taigüim ung luhnak ah ang lak ung, thüikyap ne taigü u sä. “Bawipa na chang gui dük gui ä. Chang khui hei gui naw, ‘Nami Khanpughi a hawi ang?’ ” cine kä na päipih gaih m’gin en gui u sä.