SAM 41:9 - Cho Bible Common Language 2016

⁹ Ka teihpüi ni pi, ka ngaih u pi bäih, ka ei vai phi k’pai ne ka ei püi, Naw phi ng’hlat ne na hnung’tuk püi ci nei.

SAM 41:9 Referans Kwoze

JOHAN 13:18

“Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.

MATTHE 26:23

Bawipa Jesuh naw, “Kei awn a täng ah ei-bei ät ung ei ciah chang naw kei cu ga ah kut ung na ap khai nei.

JEREMIAH 20:10

Chang nü naw na pyen sa u sei ka ng’yak ci nei, “khaw nü ung m’ghämce nak om ci! Cun ah kyasei huham bawi ah mi chak khai nei!” cik ci gui. Ka khawt püi gui pi ah a teihpüi gui naw phi kei ah yung kyak vai cu na ngäng ci gui nei. Ngami naw, “Ani cu mi thei leh nak khai, cun kawn ah ani cu mi phak khai, phu mi tuk nak khai” cik ci gui.

JOB 19:19

Kei awn ang htei ah ka ming’khawt ciah teihpüi gui naw kei nam shemshai ne na teng ci gui. Kei naw ka m’hni pi ah chang gui naw phi kei cu na ng’tuk püi ci gui nei.

OBADIAH 1:7

Nami ng’khawt püi gui naw ning m’hleei gui ci gui, Ngami naw nami khaw ungka ning k’täm gui ci gui, Ning dimdeeih püi gui ciah chang gui naw tuhbäi ning näng gui ci gui. Atäng ah nami ei awk ciah nami teihpüi gui naw nami awh nak vai cuun cuung ci gui. Ngami naw ning pyen na gui ci gui, ‘Ani ah lunglang nak cu a hawi ang?’ cik ci gui.

MIKHAH 7:5

Na teihpüi na paw chang phi kä na yum vai. Na chu phi geing na ne na ng’thu püi vai.

2 SAMUEL 15:12

Khawihnah nak a dou thak yah ung Absalom naw Gilo gawnu ah Ahithophela am chang tüih ci, ani cu Ghangpughang David ah chang vai tumat ah kyak ci. Ghangpughang ceng cham hnu ng’tuk nak cu khüi ghat law ne, Absalom läk ciah chang cu da lawk ci.

JOB 19:13

Ka phäi nau gui naw ami na nawng vai ah Khanpughi naw bik ci nei. Kei cu ka mät naw ka hmat ah chang gui ah ma ah khodung chang ah ka kyak ci nei.

THULÄÄN NAK 32:15

“Bawipa ah chang gui cu bühmang lawk ci gui, Cun ung phi kütnet ci gui. Ngami cu ei akni awn thau ne plan ci gui, Ngami naw Khanpughi tüisho gui cicu nawng ci M’gäi ciah ami Hunbawi cu hnungtuk püi ci gui.

SAM 101:3

akshe cu kä ka hnimgei phung khai nei. Khanpughi ah ng’hlah tak ci gui ah bilawh cu, kei naw ka thüi nak ci nei; kei cu ngami awn kä ka ng’gui ng’pha khai nei.