SAM 41:1 - Cho Bible Common Language 2016

¹ Dukhaih ciah chang tengkhen ci gui cu yeikyai nak om ci. Geinvai nak a gawk law ung ngami cu Bawipa naw m’htei gui khai.

SAM 41:1 Referans Kwoze

NG'THU K'THUUK~ 19:17

Dukhaih ciam na pek tak cu Bawipa am nak pu ah maih ah kyak ci. Bawipa naw ning thung ba khai.

NG'THU K'THUUK~ 14:21

Nang cu na yeikyai hlü ah a kyak ung dukhaih ci na m’gein vai, chang paphi cu katnak ah kyak ci.

LAMKTU 20:35

K’tha nah ne bi law netah ghawipyam ci m’gein tu nak vai ah a mawng avan cu ka ning m’dang gui pyi ci. Bawipa Jesuh naw, “Va dou nak katah hei peit nak cu, yei kiai nak da pi ci” a ci cu nami shüm ba vai nei.

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

HEBRU 6:10

Khanpughi cu käng kuktak ci. Ani naw nami bilawh la, nami m’hni nak ang dang vai ah cau tün ne tuhbäi ung khüt sei, krihta tumat nami ng’theithang nak tu cu käm hnih khai nei.

SAM 37:19

Ngami cu khaw a zaw ung phi kä khüikha khai gui, tui a shet ung phi kä ami ei vai da khai gui.

SAM 112:9

Ani naw ng’khai ne dukhaih ci gui cu pe taak gui ci, ani ah nibä nak cu kä shum hlawk ci; Ani cu huham ah sei chang m’sui khai gui.

MAKUH 14:7

Ghawi pyam ciah chang gui cu nangmi awn angtäi ah a täng ah nami om ci. Nangmi naw nami ng’yak hlü päng ung nami m’htei gui hning ci. Kei läi cu nangmi awn angtäi ah kä ka om khai.

SAM 37:26

Ani cu angtäi sei chang-am pe taak, pu m’hnih ciah kya ne, a hta nau gui naw m’shum phyuk nak gah ci gui.

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

KALATIAN 2:10

Ngahmi naw ghawipyam ci gui, nami shüm gui vai nei, cine nam cäi gui ci gui, cun cu kei naw ka bi hlü pi ah kyak ci.

1 THESSALONIAN 5:14

Phäi nau gui aw, ning m’cäi gui nei; a om shek ci gui khän ne m’cäi vä, kyikyawk ci gui thamah nak pe vä, yoken ci gui m’hteihtang tu vä, chang nüng ah khan ah hnimgei nak awn om vä.

NG'THU K'THUUK~ 16:14

Cuivai ci naw ghangpughang a yei vai ah k’tha na ne k’pang ci, ghangpughang am lung she law ung chang tumat mat cu sik khai.

SAM 34:19

Changniung khüikha nak akda gawk thei ci, cun ung phi Bawipa naw avan ung hun phyawn ci;

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

RUT 2:19

Naomi naw ani am, “Shin ah htang cu a hawi ka na khäm tu ang tuhngawi? A u ah lai ung ang na bi tu? Nang ning ngaih pe thei ciah chang cu Khanpughi naw hriham pe sä!” cik ci. Cun kawn ah Ruth naw Naomi am, ani ah bi nak tu cu, Boaz ming nak ciah chang ah lo ah a kyak ah mawng m’thein tuk ci.

JEREMIAH 39:17

Cun ung phi kei, Bawipa naw ka ning shung vong gui khai, nang mi cu, nangmi naw nami kyih gui ah chang gui am kä ningap gui khai gui.