SAM 40:6 - Cho Bible Common Language 2016

⁶ Nang naw ghutha la vawih peh cu kä na ng’ya hlük ci nei; Nang naw khiksei ngawn ne m’khih ne, kiang ung taih la kat phyawn nak ah ghutha cu kä na k’thäh ci nei. Cun ung phi na ng’thu ng’yak vai ah hnga cu na na pek ci nei,

SAM 40:6 Referans Kwoze

ISAIAH 1:11

Ani naw, “Nangmi naw k’pang ne kei am nami douthak al khawihnah nak a vim cu kei naw ka ng’ya hlük ciah nami ngai ne ma? M’khih ne nami khawihuah nak ah htome la nami setme akni pi gui ah thau vata, bä pi ci kei ung om ci nei. Vantang gui, htome gui la me ah si gui cu kei naw kabawung na pyi cinei.

1 SAMUEL 15:22

Samuela naw, “A i ang Bawipa naw a yum pi; ang thu ngaih ang, khawihnah dou thak ang? Htome ak bä pi awn khawihnah ah ta ang’thu ngaih cu bä pi ci nei.

SAM 51:16

Ghu tha cu nang naw kä na ng’ya hlük ci, kä cun ung kei naw ka ning pek khai sü te; mei awn m’khih ne khawihnah phi kä na m’hni ci.

HOSEA 6:6

Kei naw ng’täi ciah anmi m’hni nak cu ka ng’ya hlük ci. Seime awn nami khawihnah nak ah kä kyak ci. Kei ah ka chang gui naw m’khih ne douthak ah dam ah ami na hmuhmat vai cu kei naw ka m’hni ci.

MATTHE 12:7

Cacim ung ‘Kei naw ngawnsheh vawihpeh ah mä, m’gein nak cu kamhni pi ci,’ ciah om ciah a mawng cu nami hmat vai sü ung, katnak kä bik ciah chang gui düt thüi nah ne kä nami m’kat gui khai sü te.

AMOS 5:22

Nangmi naw m’khih ne douthak la htang-douthak nak nami law püi ung, kei naw kä ka dou khai. Plan ciah seime douthak vai nami law pü phi kä ka dou khai.

MATTHE 9:13

Kei cu peit taak ah mä m’gein nak kam hni pi ci, ciah cacim cu teng ne vang ngaih-tüh ba vä. Kei cu chang k’ni gui ka hun gui khai ah ka lawk ciah kä kyak ci, changshe gui ka hun gui khai ah ka lawk ei nei,” cine pyen na gui ci.

ISAIAH 66:3

“Chang gui naw ami mät m’hni ah bi bik ci gui. Cun cu, seipat ngawn ne ami khawihnah cu chang ngawn ne ami khawihnah ah’n täng ci; htome hta awn ami khawihnah cu ui ah gawn ami douthak awn täng ci; tui ng’ui ami douthak cu, agup ah ami taigü awn täng ci. Ngami cu shemshai ciah khawihnah nak ung lün lawi ci gui.

JOB 33:16

A pyen cu ami ngaih vai ah ani naw pyang gui ci. Ani ah m’cäi m’catnak awn ngami cu kyik ci gui.

SAM 50:8

Na ghutha nak, angtäi sei mei awn m’khih ne, na law püi ah hmawk ah kä ka ning gen ci.

PHYAWN NAK 21:6

ani cu a bawi naw khawihnah hmun ah hteh püi ne, acu ah m’kawt, kä cung m’kawt law hnu na ne ng’düih sak neta, ak hnga a vüh pek vai, ani cu a ghin ah chuih changshäm ah kyak khai.

JOB 5:9

Ani ah bi ah dämduh ciah amawng gui cu mikmi naw kä mi hmat ci, ani naw cäiaih gui vai abi cu kä ng’pyi hlawt ci.

SAM 71:15

Nang ah ni nak cu ka pyen khai; a hnüüp pum ung na hun nak cu ka ngak khai, cun cu kei ah hmuh hmat ah mä bä pi ci nei.

SAM 139:17

O Khanpughi, na ngaih-tüh ka hmuh vai ah a i hlawk ah khak ciang; cun gui cu a i hlawk ah da ciang!

SAM 139:18

Cun cu khei vai sü ung lai gin na ta da pi khai kyak ci nei. Kei ka thawh law ung nang awn atäng ah ka om ci nei.

ISAIAH 25:1

Bawipa, Nang cu ka ning khanpughi nei; kei naw ning chang m’sui ne na ming ka m’taam khai nei. Nang naw cäi vai gui na bik ci nei; Nang naw cäupui na m’hnüthbäi gui cu bekhüt ne na bi pyi ci nei.